నా కెరీర్‌లో ఇదొక గొప్ప చిత్రంగా నిలిచిపోతుంది.. Kangana Ranaut

దిశ, సినిమా : ‘చంద్రముఖి 2’ తన కెరీర్‌లోనే గొప్ప సినిమాగా నిలిచిపోతుందని నటి కంగనా రనౌత్‌ ఆనందం వ్యక్తం చేస్తోంది. రాఘవ లారెన్స్ హీరోగా పి. వాసు తెరకెక్కించిన ఈ మూవీ సెప్టెంబర్ 15న విడుదలకానుండగా ప్రీ రిలీజ్ ఈవెంట్ ఘనంగా నిర్వహించారు మేకర్స్. ఈ సందర్భంగా సినిమాను ఉద్దేశిస్తూ మాట్లాడిన కంగన.. ఇందులో టైటిల్ రోల్ పోషించడం సరికొత్త అనుభూతినిచ్చిందని చెప్పింది. ‘ఇన్నేళ్ల నా సినీ కెరీర్‌లో ఇదొక గొప్ప చిత్రంగా నిలిచిపోతుంది. నేను స్క్రిప్ట్ విన్నపుడే కథను చాలా ఇష్టపడ్డాను. దర్శకుడు వాసు ప్రతీ క్యారెక్టర్‌ ను అద్భుతంగా తీర్చిదిద్దారు. అనుకున్నదానికంటే మరింత మెరుగ్గా సినిమాను రూపొందించాడు. నేను నా క్యారెక్టర్‌కు పరిపూర్ణంగా న్యాయం చేశాను. లారెన్స్‌ పాత్ర కూడా సినిమాకు హైలైట్‌గా నిలుస్తుంది. కీరవాణిగారి సంగీతం సినిమాకు బలం. కథానుగుణంగా చక్కటి సంగీతం కుదిరింది. ప్రతి ఒక్కరూ తమ సత్తా చూపించారు. అందరినీ ఈ మూవీ అలరిస్తుంది’ అంటూ పలు విషయాలు చెప్పుకొచ్చింది కంగన.