బాలీవుడ్ నటి రవీనా టాండన్ పై ముగ్గురు మహిళల దాడి.. వీడియో వైరల్
దిశ, సినిమా: బాలీవుడ్ నటి రవీనా టాండన్‌కు చేదు అనుభవం ఎదురైంది. ఆమె డ్రైవర్ ర్యాష్ డ్రైవింగ్ వల్ల రవీనా దెబ్బలు పడాల్సిన పరిస్థితి నెలకొంది. అలాగే ఆమె వేడుకున్నప్పటికీ దాడి చేయడం ఆపలేదు. అయితే ఇదంతా అక్కడున్న కొందరు వీడియో తీసి నెట్టింట పెట్టడంతో అది కాస్త వైరల్‌గా మారింది. అసలు ఆమె దెబ్బలు పడటానికి కారణమేంటో ఇక్కడ తెలుసుకుందాం..
రవీనా టాండన్ తన డ్రైవర్‌తో కారులో ఏదో పని మీద బయటకు వెళ్లింది. ఈ క్రమంలో.. లేట్ అవుతుందనడంతో లేదా ఇతర కారణంతోనో ఆమె డ్రైవర్ ర్యాష్ డ్రైవింగ్ వల్ల కారు ముగ్గురి మహిళలను ఢికొట్టింది. అందులో ఓ మహిళకు తీవ్రంగా గాయం కావడంతో స్థానికులు ఆమె కుటుంబ సభ్యులు తిట్టడం మొదలెట్టారు. దీంతో రవీనా డ్రైవర్ కోపోద్రిక్తుడై తప్పు తనవైపు ఉన్నప్పటికీ రివర్స్ ఆ మహిళలపై దాడికి దిగాడు. ఇక అదంతా చూసిన రవీనా టాండన్ అసలు ఏం జరుగుతుందా అని కారు దిగడంతో అప్పటికే కోపంగా ఉన్న బాధితులు ఆమెపై దాడి చేశారు.
అక్కడున్న వారంతా రవీన వెళ్లకుండా చుట్టుముట్టి కోపంగా నెట్టేయడం మొదలెట్టారు. ఇక అప్పుడు ఆమె తన తప్పు లేదని డ్రైవర్ ర్యాష్ డ్రైవింగ్ వల్ల జరిగిందని వారికి అర్థమయ్యేలా చెప్పినప్పటికీ వారు దాడి చేయడం ఆపలేదు. ఎంతసేపు చెప్తున్నా ఆగకపోవడంతో ఈ బ్యూటీ ప్లీజ్ నన్ను కొట్టకండి అని వేడుకుంది. ఈ ఘటన శనివారం ముంబైలోని కార్టర్ రోడ్, రిజ్వీ కాలేజీ వద్ద జరిగింది. అయితే రవీనా వీడియోను చూసిన నెటిజన్లు కొందరు ఆమె డ్రైవర్ ఇద్దరు మద్యం మత్తులో ఉన్నారని మానవత్వం లేకుండా చేశారని పలు విమర్శలు చేస్తున్నారు. దీనికి సంబంధించిన పూర్తి వివరాలు తెలియాల్సి ఉంది.
