Accident : వాహనం ఢీకొని గుర్తు తెలియని వ్యక్తి మృతి
దిశ, గజ్వేల్ రూరల్: గుర్తుతెలియని వాహనం ఢీకొట్టడంతో గుర్తు తెలియని వ్యక్తి మృతి చెందిన సంఘటన గజ్వేల్ మండలం రాజీవ్ రహదారిపై సురభి కాలేజీ దగ్గర్లో శుక్రవారం ఉదయం మూడు గంటల సమయంలో చోటుచేసుకుంది. విషయం తెలుసుకున్న గజ్వేల్ సిఐ సైదా సంఘటన స్థలానికి చేరుకుని చూడగా ఒక వ్యక్తిని గుర్తు తెలియని వాహనం ఢీకొట్టడంతో తల ఛిద్రమై రెండువైపులా గుర్తుపట్టకుండా ఉండడంతో గజ్వేల్ గవర్నమెంట్ హాస్పిటల్ మార్చురీలో భద్రపరచడం జరిగిందన్నారు. మృతుని వయస్సు 30 నుండి 35 సంవత్సరాలు ఉంటాయని, వైలెట్ కలర్ టీ షర్టు, కుడి చేతిపై టాటూ జేలంధర్ అని పచ్చబొట్టు ఉందన్నారు. అతను లైట్ బ్లూ కలర్ లుంగీ కట్టుకుని ఉన్నాడని, పింక్ కలర్ చెద్ధరీ ఉందన్నారు. పై మృతున్ని ఎవరైనా గుర్తుపడితే 8712667331, 8712667460, గజ్వేల్ పోలీసులకు సమాచారం అందించాలని గజ్వేల్ ఇన్స్పెక్టర్ సైదా ఒక ప్రకటనలో తెలిపారు.
