ఆదిపురుష్ మూవీపై బీజేపీ మహిళా నేత షాకింగ్ కామెంట్స్..

దిశ, వెబ్‌డెస్క్: ఓంరౌత్ దర్శకత్వంలో స్టార్ యాక్టర్ ప్రభాస్ హీరోగా తెరకెక్కుతోన్న తాజా చిత్రం ఆదిపురుష్. బాలీవుడ్ స్టార్ యాక్టర్ సైఫ్ ఆలీ ఖాన్ రావణుడి పాత్ర పోషిస్తున్న ఈ మూవీ టీజర్‌ను చిత్ర యూనిట్ ఇటీవల గ్రాండ్‌గా రిలీజ్ చేసింది. భారీ అంచనాల నడుమ విడుదలైన ఈ టీజర్ భారీగా ట్రోలింగ్‌కు గురవుతుంది. హీరో ప్రభాస్ ఫ్యాన్స్‌ సైతం ఆదిపురుష్ టీజర్‌పై అసంతృప్తి వ్యక్తం చేస్తున్నారు. టీజర్‌లో ప్రభాస్ లుక్ అంతగా ఆకట్టుకోలేదని.. టీజర్ మొత్తం బొమ్మల ఆటలా ఉందని నెటిజన్లు కామెంట్లు చేస్తున్నారు.

ఈ క్రమంలో ఆదిపురుష్ మూవీ డైరెక్టర్‌పై బీజేపీ మహిళా అధికార ప్రతినిధి మాళవిక అవినాష్ షాకింగ్ కామెంట్స్ చేశారు. ఆదిపురుష్ టీజర్‌లో డైరెక్టర్ ఓంరౌత్ రామాయణాన్ని తప్పుగా చూపించారని అన్నారు. ఓంరౌత్ అసలు రామాయాణాన్ని ఏ మాత్రం అధ్యయనం చేయకుండా తెరకెక్కించారని.. టీజర్‌లో రావణుడి పాత్రను తప్పుగా చూపించారని పేర్కొన్నారు. మూవీ యూనిట్ ఇటీవల విడుదల చేసిన టీజర్‌లో రావణుడికి లెదర్ జాకెట్, కండ్లు నీలి రంగులో ఉన్నాయని.. అది పూర్తిగా తప్పన్నారు. రావణుడి పాత్ర ఎలా ఉండాలో ఎన్టీఆర్, ఎస్వీ రంగరావులు వేసిన క్యారెక్టర్లు గురించి సెర్చ్ చేయాలని సూచించారు.

ఇవి కూడా చదవండి : వివాదంలో ప్రభాస్ 'Adipurush'.. ట్విట్టర్‌లో ట్రెండింగ్