టైటిల్ చూసి బోల్డ్ ఫిల్మ్ అనుకోవద్దు.. 'బిఎఫ్‌హెచ్'పై మాళవిక
దిశ, సినిమా : కేరళ బ్యూటీ మాళవిక సతీషన్ టాలీవుడ్ హీరోలపై ప్రశంసలు కురిపించింది. ఈ క్రమంలోనే తనకు బాగా ఇష్టమైన హీరోల పేర్లు కూడా చెప్పేసింది. విషయానికొస్తే.. సంతోష్ కంభంపాటి దర్శకత్వంలో ఆమె ప్రధాన పాత్రలో తెరకెక్కిన 'బాయ్‌ఫ్రెండ్ ఫర్ హైర్(BFH)' చిత్రం ఈ నెల 14న విడుదల కానుంది. ఈ సందర్భంగా ప్రమోషన్స్‌లో పాల్గొన్న నటి.. 'సినిమా టైటిల్ చూసి ఇది బోల్డ్ ఫిల్మ్ అనుకుంటున్నారు.
కానీ ఇది చాలా క్లీన్ మూవీ. కామెడీతో సహా అన్ని కోణాలను చూపిస్తుంది. నా రియల్ లైఫ్‌కు దగ్గరగా ఉండే ఎమోషనల్ జర్నీ' అని చెప్పుకొచ్చింది. ఇక తెలుగు సినీ పరిశ్రమ ఎవరినైనా స్వాగతిస్తుందని, అదే ఇక్కడి గొప్పదనమని పేర్కొంది. టాలీవుడ్ హీరోల్లో అడివి శేష్ నటన బాగా నచ్చినప్పటికీ నాగశౌర్య, అఖిల్ అంటే ఇష్టమని వెల్లడించింది. అంతేకాదు రాజమౌళి సినిమాలో నటించాలనే కోరిక బలంగా ఉందన్న బ్యూటీ.. అవకాశం కోసం ఆసక్తిగా ఎదురుచూస్తున్నట్లు చెప్పింది.
ALSO READ : ఒకే బెడ్‌‌రూమ్‌లో ఇద్దరు లేడీ స్టార్స్.. అలా చేస్తూ కనిపించడంతో
