‘బలగం’ ఎఫెక్ట్.. పదేళ్లకు కలిసిన రెండు కుటుంబాలు

దిశ, సినిమా: చిన్న సినిమాగా విడుదలై ఊహించని స్థాయిలో మంచి విజయాన్ని అందుకున్న చిత్రం ‘బలగం’. ప్రతి కుటుంబంలోని ఆప్యాయతలు, అనుబంధాలు, గిల్లికజ్జాలు, బావా మరదళ్ల సరసాలు అన్నీ ఒక్క సినిమాలో చక్కగా చూపించారు దర్శకుడు వేణు. ముఖ్యంగా ఈ మూవీ పల్లెటూరు వారిని బాగా ఆకట్టుకుంటుంది. ప్రతి సీన్ ఎమోషనల్‌గా టచ్ చేస్తుంది. ఈ సినిమా ప్రజంట్ థియేటర్లలో ఆడుతూనే మరోవైపు అమెజాన్ ప్రైమ్ వీడియోలో కూడా అందుబాటులో ఉంది.

ఇక పల్లెల్లో తెరలు వేసి మరీ ఈ సినిమాను చూస్తున్నారు. ఇందులో భాగంగా నిర్మల్ జిల్లా లక్ష్మణచందాలో స్థానిక సర్పంచ్, ఈ సినిమాను DNR ఫంక్షన్ హాల్‌లో తెరలో ఉచితంగా ప్రదర్శించారు. అయితే అదే గ్రామానికి చెందిన ఇద్దరు అన్నదమ్ములు మూవీ చూసి ఒక్కటయ్యారు. వీరిద్దరి మధ్య తగాదాలు వచ్చి పదేళ్లు అవుతుందట. మొత్తానికి ఈ ‘బలగం’ మూవీ కుటుంబాలను సైతం కలిపేస్తుంది.

ఇవి కూడా చదవండి: ‘రావణాసుర’ మంచి ఎగ్జయిటింగ్ థ్రిల్లర్.. మమ్మల్ని కొత్తగా చూస్తారు