'ATM' మిమ్మల్ని టెన్షన్ పెడుతూనే న‌వ్విస్తుంది: దిల్ రాజు

దిశ, సినిమా: స్టార్ డైరెక్టర్ హ‌రీష్‌ శంక‌ర్‌, ప్రొడ్యూస‌ర్ దిల్‌రాజు, ఓటీటీ సంస్థ జీ5 కలయికలో వస్తున్న వెబ్ సిరీస్ 'ఏటీఎం'. వీజే స‌న్నీ, కృష్ణ, ర‌విరాజ్‌, రాయ‌ల్ శ్రీ, దివి ప్రధాన పాత్రలు పోషించిన సిరీస్‌కు సి. చంద్రమోహ‌న్ ద‌ర్శక‌త్వం వ‌హించాడు. కాగా జనవరి 20న ప్రేక్షకుల ముందుకు రాబోతున్న సందర్భంగా ప్రీరిలీజ్ ఈవెంట్‌ నిర్వహించారు మేకర్స్. ఈ మేరకు మాట్లాడిన హరీష్ శంకర్..

'కొత్త కథలు చెప్పటానికి ఓటీటీ ప్లాట్ ఫామ్ బాగుంటుంది. నాకంటే చంద్రమోహ‌న్ బాగా తీశాడ‌నిపించింది. మంచి కామెడీ టైమింగ్ ఉంది. మాకు స‌పోర్ట్ చేసిన జీ5కి థాంక్స్‌' అని తెలిపాడు. అలాగే ట్రైల‌ర్ చూడ‌గానే సినిమా ట్రైల‌ర్‌గానే అనిపించిందన్న దిల్ రాజు.. చంద్ర మోహ‌న్ కంటెంట్‌ను హ్యాండిల్ చేసిన తీరు న‌చ్చిందని, ప్రేక్షకులు టెన్షన్ పెడుతూనే సిరీస్‌ను ఎంజాయ్ చేస్తారన్నాడు. మంచి టీమ్ దొరికినందుకు హ్యాపీగా ఉందన్న దర్శకుడు స‌పోర్ట్ చేసిన అంద‌రికీ థాంక్స్‌ చెప్పాడు. చివరగా మాట్లాడిన దర్శకుడు క్రిష్ జాగర్లమూడి, వీజే స‌న్నీ సిరీస్ బిగ్ సక్సెస్ అవ్వాలని కోరారు.

ఇవి కూడా చదవండి : 'ఆనందరావు అడ్వెంచర్స్' ఫస్ట్ లుక్ రివీల్ చేసిన రానా, క్రిష్!