'కేసీఆర్' పేరుతో మరో సినిమా.. హీరో ఎవరో తెలుసా..?
దిశ, వెబ్‌డెస్క్: జబర్దస్త్ కమెడియన్లు చాలామంది సినిమాల్లో కూడా అవకాశాలు దక్కించుకుంటున్నారు. కొంతమంది కమెడియన్లు సినిమాల్లో చిన్న పాత్రలే కాకుండా హీరోగా కూడా ఎంట్రీ ఇస్తున్నారు. ఇప్పటికే సుధీర్ హీరోగా పలు సినిమాలు చేసి తనకంటూ ప్రత్యేకమైన పేరు సంపాదించున్నాడు. అయితే ఇప్పుడు మరో జబర్దస్త్ కమెడియన్ రాకింగ్ రాకేష్ కూడా హీరోగా సిల్వర్ స్క్రీన్‌పై అడుగుపెడుతున్నాడు.
కేసీఆర్(కేశవ్ చంద్ర రమావత్) అనే పేరుతో అంజి డైరెక్షన్‌లో వస్తున్న సినిమాలో రాకింగ్ రాకేష్ హీరోగా తెలుగు తెరకు పరిచయం అవుతున్నాడు. అంజి గరుడవేగతో పాటు పలు సినిమాలకు డీవోపీగా పనిచేశాడు. ఇప్పుడు కేసీఆర్ అనే పేరుతో వస్తున్న సినిమాతో డైరెక్టర్‌గా కూడా తన అదృష్టాన్ని పరీక్షించుకునేందుకు సిద్దమయ్యాడు. గ్రీన్ టీ ప్రొడక్షన్స్, విభూది క్రియేషన్స్ సంయుక్తంగా ఈ సినిమాను నిర్మిస్తున్నాయి.
శుక్రవారం మల్లారెడ్డి యూనివర్సిటీలో ఈ సినిమా టైటిల్ లుక్ రిలీజ్ కార్యక్రమం జరిగింది. మంత్రి మల్లారెడ్డి టైటిల్ లుక్‌ను విద్యార్థుల సమక్షంలో రిలీజ్ చేశారు. 50 అడుగుల కటౌట్‌తో ఉన్న లుక్‌ను విడుదల చేశారు. తెలంగాణ ప్రాంతం బంజారా తాండ బ్యాక్‌డ్రాప్‌లో ఈ సినిమాను తెరకెక్కిస్తున్నట్లు తెలుస్తోంది.
