కోట్ల ఆస్తున్న స్టార్ యాంకర్ రేకుల షెడ్డులో నివాసం.. ఇంత దుర్భర స్థితికి కారణం ఇదే?

దిశ, సినిమా: బుల్లితెరపై తనదైన స్టైల్ లో యాంకరింగ్ చేస్తూ మంచి గుర్తింపు దక్కించుకుంది రష్మి గౌతమ్. ముఖ్యంగా జబర్దస్త్ షోతో ఫుల్ పాపులారిటీ సంపాదించుకున్న ఈ అమ్మడు సుడిగాలి సుధీర్ తో పలు స్పెషల్ షోస్ చేసి బుల్లితెర ప్రేక్షకుల దృష్టిని ఆకర్షించింది. ప్రేక్షకులను అలరించడానికో లేక నిజంగానో తెలియదు కానీ వీరిద్దరి మధ్య నడిచే లవ్ ట్రాక్ జనాలందరు ఇష్టపడుతారు. ప్రస్తుతం రష్మి.. ఇటు బుల్లితెరపై యాంకర్ గా కొనసాగుతూనే మరోవైపు సినిమాల్లో అవకాశాలు కొట్టేస్తుంది. రీసెంట్ గా మెగాస్టార్ చిరంజీవి ‘భోళా శంకర్’ సినిమాలో కాస్త రొమాంటిక్ గా నటించి.. మెగా ఫ్యాన్స్‌ను ఆకట్టుకుంది.

ఇకపోతే రష్మి కెరీర్ స్టార్టింగ్ లో హాస్టల్ లో ఉంటూ అనేక కష్టాలు పడ్డట్లు తెలిపింది. ప్రస్తుతం ఈమె లైఫ్ ఫైనాన్షియల్ గా అంతా బానే ఉంది. లక్షల్లో సంపాదన.. కోట్ల ఆస్తి, లగ్జరీ ఇల్లు, ఖరీదైన కార్లు ఉన్నట్లు సమాచారం. అయితే కోట్ల ఆస్తి ఉన్న ఈ యాంకర్ ప్రస్తుతం దుర్భరమైన పరిస్థితిని ఎదుర్కొంటుంది అంటూ సోషల్ మీడియాలో ఓ వార్త వైరల్ చేస్తున్నారు. విషయం ఏంటంటే..

సెలెబ్స్ ఆస్తుల గురించి యూట్యూబర్స్ తమకు ఇష్టం వచ్చిన ఫోటోలు, థంబ్ నెయిల్స్ జోడించి వీడియోలు పోస్ట్ చేస్తుంటారు. వాళ్లకు కౌంటర్ గా హైపర్ ఆది శ్రీదేవి డ్రామా కంపెనీలో కొన్ని ఫోటోలు ప్రదర్శించాడు. రష్మీ హౌస్ చూద్దామని హైపర్ ఆది, స్క్రీన్ మీద ఓ రేకుల షెడ్డు చూపించాడు. జడ్జి ఇంద్రజ పూరి గుడిసెలో ఉంటున్నట్లు, రష్మీ రేకుల షెడ్ లో, ఇక హైపర్ ఆది స్లమ్ ఏరియాలో ఉంటున్నట్లు ఫోటోలు స్క్రీన్ పై చూపించగా.. ఒక్కసారిగా అక్కడున్నవారంతా నవ్వసాగారు. ఇదంతా కామెడీలో భాగమే. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.