‘ఆయ్‌’ వినోదాన్ని పంచుతుంది.. Allu Arvind ఆసక్తికర కామెంట్స్

దిశ, సినిమా: నార్నే నితిన్‌, నయన్‌ సారిక జంటగా రూపొందుతున్న చిత్రం 'ఆయ్‌' . అంజి.కె.మణిపుత్ర దర్శకుడు. బన్నీ వాస్‌, విద్యా కొప్పినీడి ఈ చిత్రాన్ని నిర్మిస్తున్నారు. శుక్రవారం ఈ మూవీ నుంచి థీమ్ సాంగ్‌ను మేకర్స్ విడుదల చేశారు. ఈ లాంచ్ ఈవెంట్‌లో అల్లు అరవింద్‌ మాట్లాడుతూ.. ‘‘ఈ కథ చాలా సరదాగా ఉంటుంది. ఈస్ట్‌ గోదావరిలో వర్షంలో చేసిన షూటింగ్‌కు కోటి ఖర్చు పెట్టారు. సినిమా రషెస్‌ చూశాను. మూవీ చూస్తే మనం నిజంగానే ఆ ఊర్లోకి వెళ్లి వర్షంలో తడుస్తున్నట్లుగా అనిపిస్తుంది.

ఈ కథ ఓకే అయిన తర్వాత ఎన్టీఆర్‌కు ఫోన్ చేశాను. ఫస్ట్‌డే వరకు మనం పుష్‌ చేస్తాం. ఆ తర్వాత సినిమా బాగుంటేనే ఆడుతుంది. ఎవరి కష్టం వారిదే.. సినిమా కథ బాగుంది చేసేయండి అని ఎన్టీఆర్‌ అన్నారు. నితిన్‌ ఈ చిత్రంలో ఎంతో ఈజ్‌తో నటించాడు' అన్నారు. బన్నీ వాస్‌ మాట్లాడుతూ.. నాకు వినోదాత్మకమైన సినిమాలంటే ఇష్టం. ఈ సినిమా అందరికీ మంచి వినోదాన్ని పంచుతుంది. ప్రేక్షకులకు నవ్వి నవ్వి బుగ్గలు నొప్పి పెడతాయి. ఆ గ్యారెంటీ మేం ఇస్తున్నాం. ఈ చిత్ర కథ వింటున్నంత సేపు నవ్వుతూనే ఉన్నాను. ఈ సినిమా అందర్ని కడుపుబ్బా నవ్విస్తుంది' అని చెప్పుకొచ్చాడు.