ఎట్టకేలకు కల నెరవేర్చుకుంటున్న ఐశ్వర్య.. ఆ అనౌన్స్ కోసమే వెయిటింగ్
దిశ, సినిమా: యంగ్ బ్యూటీ ఐశ్వర్య లక్ష్మీ తమిళ్ స్టార్ హీరో సరసన నటించే లక్కీ ఛాన్స్ కొట్టేసినట్లు తెలుస్తోంది. ప్రస్తుతం ‘కంగువ’ సినిమాతో బిజీగా ఉన్న స్టార్ హీరో సూర్య.. సుధాకొంగర డైరెక్షన్‌లోనూ #SURYA 43 మూవీ చేయబోతున్న విషయం తెలిసిందే. కాగా ఈ చిత్రంలో ఫీ‌మేల్ లీడ్ రోల్‌లో ఐశ్వర్య కనిపించబోతున్నట్టు నెట్టింట ఓ వార్త హల్ చల్‌ చేస్తోంది. అలాగే ఇటీవల ఓ చిట్‌చాట్‌లో మాట్లాడిన ఐశ్వర్య.. ‘‘సూరారై పోట్రు’లో బొమ్మి పాత్రలో నేనే నటించాల్సింది.
కానీ మధురై తమిళ యాస కారణంగా ఆ మూవీ చేయలేకపోయా. అదే కాంబోతో పనిచేసే అవకాశం వస్తుందేమో’ అని చిన్న హింట్ ఇచ్చింది. దీంతో సుధా కొంగర, సూర్యల మూవీలో ఐశ్వర్య హీరోయిన్‌గా దాదాపు ఫైనల్ అయిపోయిందని, మేకర్స్ త్వరలోనే అధికారికంగా వెల్లడించనున్నట్లు ఇండస్ట్రీలో టాక్ వినిపిస్తోది. ఇక ఈ మూవీ షూటింగ్ అక్టోబర్‌లో మొదలవనుండగా గ్యాంగ్ స్టర్‌ డ్రామా నేపథ్యంలో సినిమాను తెరకెక్కించబోతున్నట్లు సమాచారం.
