దీనస్థితిలో షాపింగ్ మాల్ హీరో.. ఆ కారణంగానే మద్యానికి బానిసైన మహేష్

దిశ, సినిమా: ‘అంగడి తేరు’ అనే సినిమాని ‘షాపింగ్ మాల్’ గా తెలుగులోకి తెరకెక్కించిన విషయం తెలిసినదే. కాగా ఇందులో హీరోగా నటించిన మహేష్ అమాయకుడిగా కనిపించి మెప్పించాడు. ఈ మూవీలో తన నటనతో మంచి గుర్తింపు తెచ్చుకున్నాడు. షాపింగ్ మాల్ సినిమా తర్వాత మహేష్ తమిళ్‌లోనే దాదాపు 14 చిత్రాల్లో నటించాడు. కానీ అవి సక్సెస్ కాలేకపోవడంతో ప్రేక్షకులకు మెల్లగా దూరం అయ్యాడు మహేష్.

అయితే చేసిన మూవీలు సక్సెస్ కాకపోవడమే కాకుండా కొత్త సినిమా ఆఫర్లు రాకపోవడంతో డిప్రషన్ లోకి వెళ్ళి మద్యానికి బానిసయ్యాడు. విపరీతంగా మద్యం సేవించడం వల్ల ఆర్ధికంగా దెబ్బతిన్నాడు. దీంతో అతని లుక్ గుర్తుపట్టలేనంతగా మారిపోయింది.

ఇదిలా ఉండగా మహేష్‌లోమరో టాలెంట్ కూడా ఉంది. ఆయన జాతీయ స్థాయిలో వాలీబాల్ క్రీడాకారుడు కూడా. కానీ సినిమాల వల్ల వాలీబాల్ ను పక్కన పెట్టేశాడు. అటు వాలిబాల్‌ను వదిలేయడం, సినిమాల్లో సక్సేస్ కాకపోవడంతో అతను ఆర్థికంగా చితికిపోయాడు. అదే వాలిబాల్‌ను కంటిన్యూ చేసి ఉంటే స్పోర్ట్స్ కోటాలో తనకు మంచి ప్రభుత్వ ఉద్యోగం వచ్చి ఉండేదని.. పెద్ద ఆఫీసర్ అయ్యేవాడిని అని గతంలో మహేష్ ఓ ఇంటర్వ్యూలో తెలిపాడు.