ఏకంగా 300 మంది డాన్సర్లతో ఆ పని చేయబోతున్న శ్రీలీల

దిశ, వెబ్‌డెస్క్: టాలీవుడ్ ఇండస్ట్రీలో వరుస సినిమాలతో దూసుకెళ్తోంది యంగ్ సెన్సేషనల్ హీరోయిన్ శ్రీలీల. రీసెంట్‌గా బాలయ్య ‘భగవంత్ కేసరి’ చిత్రంలో అద్భుతంగా నటించి.. ప్రేక్షకుల మెప్పు పొందింది. నేడు (నవంబరు 24) మెగా హీరోవైష్ణవ్ తేజ్‌తో కలిసి నటించిన ‘ఆదికేశవ’ చిత్రం థియేటర్లలో గ్రాండ్ రిలీజ్ అయ్యింది. ప్రస్తుతం హీరో నితిన్ సరనస ‘ఎక్స్‌ట్రా ఆర్డినరీ మ్యాన్’ చిత్రంలో నటిస్తోంది. ఈ సినిమాకు వక్కంతం వంశీ దర్శకత్వం వహిస్తున్నాడు.

తాజాగా ఈ చిత్రం గురించి ఓ ఇంట్రెస్టింగ్ న్యూస్ నెట్టింట వైరల్ అవుతోంది. ప్రస్తుతం శ్రీలీల, నితిన్ జానీ మాస్టర్ కొరియోగ్రఫీలో ఓ హై ఎనర్జీ మాస్ సాంగ్ షూట్ చేస్తున్నారని సమాచారం. శంశాబాద్‌లో స్పెషల్‌గా నిర్మించిన సెట్‌లో ఈ సాంగ్ షూటింగ్ జరుగుతుందట. ఈ పాటకు దాదాపు 300 మందికి పైగా ఫిమేల్ డ్యాన్సర్లు స్టెప్పులేస్తున్నట్లు టాక్ వినిపిస్తోంది. ఇక ఈ పాటతోనే సినిమా షూటింగ్ పూర్తి కానుందని, ఆ తర్వాత ప్రొడక్షన్ పనులు జరగనున్నాయని సమాచారం. ఈ వార్త విన్న శ్రీలీల ఫ్యాన్స్.. సూపర్ డ్యాన్సర్ జానీ మాస్టర్ - శ్రీలీల కాంబినేషన్‌లో వస్తోన్న సాంగ్ అంటే సోషల్ మీడియాను షేక్ చేయడం ఖాయమని అంటున్నారు.