రోడ్లను వెంటనే బాగు చేయండి: వినయ్ భాస్కర్

దిశ, వెబ్‌డెస్క్: గత వారం రోజులుగా కురుస్తున్న భారీ వర్షాలు బీభత్సం సృష్టించాయి. ముఖ్యంగా వరంగల్ జిల్లా అంతా జలమయం అయింది. చాలా చోట్ల రోడ్లు దెబ్బతిన్నాయి. దీంతో ప్రభుత్వ చీఫ్ విప్ దాస్యం వినయ్ భాస్కర్.. సంబంధిత అధికారులతో సమావేశం నిర్వహించారు. ఈ సందర్భంగా ఆయన దెబ్బతిన్న రోడ్లను వెంటనే బాగు చేయాలని ఆదేశించారు. ఇదే సమయంలో ప్రజలకు ఇబ్బంది కలుగకుండా తగు చర్యలు తీసుకోవాలన్నారు. వచ్చే మంగళవారం వరకు ఇందుకు సంబంధించిన ప్రతిపాదనలు సిద్ధం చేయాలని ఆయన అధికారులకు ఆదేశాలు జారీ చేశారు.