కాటమయ్యను దర్శించుకున్న ఎమ్మెల్యే

దిశ, నల్లగొండ: సూర్యాపేట జిల్లా హుజూర్​నగర్​లో గౌడ కులస్తుల ఆరాధ్య దైవం కాటమయ్య స్వామి పండుగ వైభవంగా జరుగుతోంది. ఎమ్మెల్యే సైదిరెడ్డి సతీసమేతంగా స్వామివారిని దర్శించుకుని ప్రత్యేక పూజలు చేశారు. నియోజకవర్గ ప్రజలకు ఎమ్మెల్యే సైదిరెడ్డి కాటమయ్య పండుగ శుభాకాంక్షలు తెలిపారు. స్వామివారి ఆశీస్సులు ప్రతి ఒక్కరికి ఉండాలని.. అందరూ ఆయురారోగ్యాలతో జీవించాలని కోరుకున్నట్లు సైదిరెడ్డి వెల్లడించారు. కాగా కరోనా వైరస్ విజృంభిస్తున్న సమయంలో కాటమయ్య పండుగ నిర్వహించడం, ఎమ్మెల్యే హాజరుకావడం జిల్లాలో చర్చనీయాంశమైంది. ఈ కార్యక్రమంలో మున్సిపల్ ఛైర్మన్ గిల్లి అర్చన రవి, జడ్పీటీసీ సైదిరెడ్డి, వైస్ ఛైర్మన్ నాగేశ్వరరావు, మాజీ ఛైర్మన్ శ్రీనివాస్ గౌడ్​ పాల్గొన్నారు.