ముగిసిన ఎమ్మెల్యే తండ్రి అంత్యక్రియలు..

నల్లగొండ ప్రతినిధి: తుంగతుర్తి ఎమ్మెల్యే గాదరి కిషోర్ తండ్రి మారయ్య అంత్యక్రియలు శనివారం సాయంత్రం ముగిశాయి. పార్థివదేహానికి రాష్ట్ర విద్యుత్ శాఖ మంత్రి జగదీశ్ రెడ్డి, మాజీ శాసనమండలి చైర్మన్, ఎమ్మెల్సీ గుత్తా సుఖేందర్ రెడ్డి, ఎమ్మెల్సీ తక్కెళ్లపల్లి రవీందర్, మీడియా అకాడమీ చైర్మన్ అల్లం నారాయణలు పూలమాలవేసి నివాళులర్పించారు. స్థానిక ఎమ్మెల్యే కంచర్ల భూపాల్ రెడ్డి తో పాటు నాగార్జునసాగర్ ఎమ్మెల్యే నోముల భగత్, నకిరేకల్ ఎమ్మెల్యే చిరుమర్తి లింగయ్య, నల్లగొండ జడ్పీ చైర్మన్ బండ నారాయణరెడ్డి, ఎమ్మెల్సీ ఎంసీ కోటిరెడ్డి, టీఆర్ఎస్ రాష్ట్ర కార్యదర్శి చాడ కిషన్ రెడ్డి, మాజీ ఎమ్మెల్యేలు కూసుకుంట్ల ప్రభాకర్ రెడ్డి, వేముల వీరేశం, ఆయిల్ఫెడ్ చైర్మన్ రామకృష్ణారెడ్డి, సూర్యాపేట జడ్పీ చైర్మన్ దీపిక పాల్గొన్నారు.

ఇంకా వైస్ చైర్మన్ గోపగాని వెంకటనారాయణ గౌడ్, భువనగిరి జడ్పీ చైర్మన్ సందీప్ రెడ్డి, టీఆర్ఎస్వీ రాష్ట్ర ఉపాధ్యక్షుడు ప్రవీణ్ రెడ్డి, టీఆర్ఎస్ సీనియర్ నాయకులు శశిధర్ రెడ్డి, తాటి నాగిరెడ్డి, మాజీ ఎమ్మెల్సీలు విద్యాసాగర్ రావు, పూల రవీందర్, నల్లగొండ మున్సిపల్ చైర్మన్ మందడి సైదిరెడ్డి, టీఆర్ఎస్ పట్టణ అధ్యక్షుడు పెళ్లి రామరాజు యాదవ్, వారితో పాటు పట్టణ కౌన్సిలర్లు టీఆర్ఎస్ నాయకులు పట్టణ ప్రముఖులు వివిధ రాజకీయ పార్టీ నాయకులు పార్థివదేహానికి పూలమాలవేసి నివాళులర్పించారు. కుటుంబానికి ప్రగాఢ సానుభూతి తెలిపి అంతిమయాత్రలో పాల్గొని దహన సంస్కారాలు నిర్వహించారు.