గెలుపు, ఓటమి కలిస్తే.. ‘మెరిసే మెరిసే’

దిశ, సినిమా: ‘హుషారు’ ఫేమ్ దినేష్ తేజ్ హీరోగా శ్వేతా అవస్తి హీరోయిన్‌గా కొత్తూరి ఎంటర్‌టైన్‌మెంట్స్‌, ఎల్‌ఎల్‌పీ బ్యానర్‌పై పవన్ కుమార్ కె దర్శకత్వంలో వెంకటేష్ కొత్తూరి నిర్మిస్తున్న చిత్రం ‘మెరిసే మెరిసే’. గెలుపు, ఓటమి పక్కపక్కనే ఉంటాయి, అవి ఎప్పటికీ కలవవు. కానీ కలిస్తే ఏమవుతుందనే కాన్సెప్ట్‌తో తెరకెక్కిన ఈ చిత్రం రిలీజ్‌కు రెడీ అవుతోంది. కాగా లేటెస్ట్‌గా ఈ సినిమా టీజర్‌ను విడుదల చేసిన డైరెక్టర్‌ శివ నిర్వాణ.. టీజర్ చక్కటి విజువల్స్‌తో చాలా కూల్‌గా ఉందని చెప్పారు. డిఫరెంట్‌ క్యారెక్టర్స్‌తో హీరో దినేష్‌ తేజ్‌, హీరోయిన్‌ శ్వేతా అవస్తి తమదైన మార్క్‌ను చూపెట్టగలిగారని తెలిపారు. డైరెక్టర్‌ పవన్‌ కుమార్‌‌కు ఇది తొలి చిత్రమే అయినా, టీజర్‌ చూస్తుంటే పర్ఫెక్ట్‌గా తెరకెక్కించాడని అర్థమవుతోందని, కచ్చితంగా ఆడియన్స్‌ను ఆకట్టుకుంటుందని అన్నారు. ఈ సినిమాకు కార్తీక్ కొడగండ్ల మ్యూజిక్ అందించగా.. ‘పెళ్లిచూపులు’ ఫేమ్ నగేశ్ బానెల్ సినిమాటోగ్రాఫర్‌గా పనిచేశారు.