సత్యదేవ్ పాటకు మంచు లక్ష్మీ యాక్టింగ్
దిశ, వెబ్‌డెస్క్: నటుడు సత్యదేవ్ హీరోగా వస్తున్న విభిన్న చిత్రం ‘ఉమా మహేశ్వర ఉగ్రరూపస్య’. ‘కేరాఫ్ కంచెరపాలం’ మేకర్స్ నుంచి వస్తున్న ఈ సినిమా ట్రైలర్, సాంగ్స్ ఇప్పటికే ఆకట్టుకున్నాయి. వెంకటేష్ మహా దర్శకత్వంలో వస్తున్న చిత్రానికి నేషనల్ అవార్డు విన్నర్ బిజిబల్ మ్యూజిక్ అందించారు. విజయ్ యేసుదాస్ పాడిన నింగి చుట్టే మెలోడి సాంగ్‌ను ప్రేక్షకులు ఎంజాయ్ చేస్తుండగా యూట్యూబ్‌లో ట్రెండింగ్‌లో ఉంది. కాగా ఈ పాటపై లక్ష్మీ మంచు చేసిన వీడియో ఇప్పుడు సోషల్ మీడియాలో వైరల్ అవుతుంది. వీడియోలో పల్లెటూరి అమ్మాయిగా లక్ష్మీ కనిపించగా… సినిమాలో ఫోటోగ్రాఫర్ అయిన సత్యదేవ్ ఫోటోలు తీస్తున్నట్లు ఉంది. ఈ వీడియో ద్వారా ఉమామహేశ్వర ఉగ్రరూపస్య చిత్రయూనిట్‌కు శుభాకాంక్షలు తెలిపిన లక్ష్మీ మంచు… వీడియో మేకింగ్‌ను ఎంజాయ్ చేశానని తెలిపింది. కాగా సినిమా ఏప్రిల్ 17న రిలీజ్ కానుంది.
