ప్రాణం తీసిన ఆన్‌లైన్‌ రమ్మీ
దిశ, వెబ్ డెస్క్: విశాఖ సిటీ గోపాలపట్నం శివారు కొత్తపాలెం గ్రామంలో విషాదం చోటు చేసుకుంది. నావెల్ డాక్‌యార్డ్‌ ఉద్యోగి మద్దాల సతీష్ ఆన్‌లైన్‌లో రమ్మీ పేకాట ఆడి అప్పులపాలై ఆత్మహత్య చేసుకున్నాడు. వివరాల్లోకి వెళితే… సతీష్ గత మూడు రోజులుగా కనపడట్లేదని కుంబసభ్యులు గోపాలపట్నం పోలీస్ స్టేషన్లో ఫిర్యాదు చేశారు.
ఫిర్యాదు మేరకు గాలింపు చర్యలు చేపట్టిన పోలీసులకు… మేఘాద్రి గెడ్డ రిజర్వాయర్ సమీపంలో రైల్వే ట్రాక్ పై సతీష్ మృతదేహం లభించింది. పోలీసులు కేసు నమోదు చేసుకుని దర్యాప్తు ప్రారంభించారు. పోస్టుమార్టం నిమిత్తం మృతదేహాన్ని రైల్వే ఆస్పత్రికి తరలించారు. మృతుడు రమ్మీ ఆటలో సుమారు కోటి రూపాయలు పోగొట్టుకుని అప్పులపాలయ్యాడు. ఈ కారణంగానే ఆత్మహత్యకు పాల్పడి ఉండొచ్చని భావిస్తున్నారు. మరణించిన సతీష్ కు భార్య ప్రత్యూష(28), పాప సాయి మోక్షిత(6) ఉన్నారు.
Advertisement
Next Story
