ప్రిన్స్ డ్యూయల్ రోల్

సూపర్ స్టార్ మహేశ్ బాబు ఫుల్ జోష్‌లో ఉన్నాడు. భరత్ అను నేను, మహర్షి, సరిలేరు నీకెవ్వరు సినిమాలతో హ్యాట్రిక్ కొట్టిన మహేశ్..అదే జోష్ కంటిన్యూ చేయాలని చూస్తున్నాడు. అందుకే ఆచి తూచి సినిమా ఎంచుకున్నాడు. పరశురామ్ దర్శకత్వంలో సర్కార్ వారి పాట సినిమా ప్రకటించాడు. అయితే ఈ సినిమా కథ డిఫరెంట్ జోనర్‌లో ఉండటం వల్లే మహేష్ ఓకే చేశాడని సమాచారం. క్రైమ్ అండ్ రివేంజ్ జోనర్‌లో సాగే కథలో ప్రిన్స్ డ్యూయల్ రోల్ చేస్తున్నాడని ఫిల్మ్ నగర్ సమాచారం. ట్విన్స్‌గా కనిపించనున్న మహేశ్..డిఫరెంట్ యాటిట్యూడ్‌తో ఫ్యాన్స్‌కు ట్రీట్ ఇవ్వనున్నాడట.

బాలనటుడిగా డ్యుయల్ రోల్స్ చేసిన ప్రిన్స్..హీరోగా మారిన తర్వాత ద్విపాత్రాభినయం చేస్తున్న తొలి సినిమా ఇదే కావడం విశేషం. కీర్తి సురేశ్ హీరోయిన్‌గా నటిస్తున్న సర్కార్ వారి పాట షూటింగ్ సెప్టెంబర్ నుంచి ప్రారంభించాలని భావిస్తుంది మూవీ యూనిట్. మైత్రీ మూవీ మేకర్స్, 7 రీల్స్, జీఎంబీ సినిమాస్ సంయుక్తంగా నిర్మిస్తున్న చిత్రానికిఎస్.ఎస్.థమన్ సంగీతం అందిస్తున్నారు.