లారీ బోల్తా… 14 మంది మృతి

దిశ,వెబ్‌డెస్క్: పశ్చిమ బెంగాల్‌లో మంగళవారం రాత్రి ఘోర రోడ్డు ప్రమాదం చోటు చేసుకుంది. జల్పాయ్‌గురి ప్రాంతంలో లారీ బోల్తాపడి 14 మంది మరణించారు. ఘటన వివరాల్లోకి వెళితే…. రాళ్ల లోడ్‌తో వెళుతున్న లారీ దూప్ గురిలోని జల్దాక బ్రిడ్జి వద్ద అదుపు తప్పింది. ఆ సమయంలో పక్కగా వెళుతున్న మూడు వాహనాలపై లారీ బోల్తాపడింది. దీంతో వాహనాల్లో ప్రయాణిస్తున్న వారిలో 14 మంది మరణించారు. సమాచారం అందుకున్న పోలీసులు ఘటనా స్థలానికి చేరుకున్నారు. క్షతగాత్రులను ఆస్పత్రికి తరలించారు. కేసు నమోదు చేసి పోలీసులు దర్యాప్తు చేస్తున్నారు.