లాక్డౌన్‌తో రవాణా శాఖకు తాళం
దిశ, తెలంగాణ బ్యూరో : రవాణా శాఖ కార్యాలయాలకు తాళం పడింది. ప్రభుత్వానికి ఆదాయం తెచ్చే రవాణా శాఖ ప్రస్తుతానికి పనులేమీ చేయడం లేదు. ఇప్పటి వరకు కేటాయించిన స్లాట్లను బదలాయించింది. అంటే కరోనా లాక్డౌన్తర్వాత వీటిని పునరుద్ధరించనున్నట్లు రవాణా శాఖ అధికారులు వెల్లడించారు.
కరోనా నేపథ్యంలో గత నెల నుంచే స్లాట్లను తగ్గించారు. డ్రైవింగ్ లైసెన్స్లు, పర్మిట్లు తదితర వాటి కోసం మొన్నటి వరకు కార్యాలయాలను తెరిచారు. వాస్తవంగా వాహనాల రిజిస్ట్రేషన్లను కొన్ని రోజుల కిందటే ఆపేశారు. తాజాగా డ్రైవింగ్ సైలెన్స్లు, ఇతర రెన్యూవల్స్ అన్నింటినీ రద్దు చేస్తూ నిర్ణయం తీసుకున్నారు. కరోనా నేపథ్యంలో ప్రభుత్వం లాక్డౌన్ విధించిన విషయం తెలిసిందే. 33 శాతం ఉద్యోగులతో ప్రభుత్వ కార్యాలయాలు పని చేయాలని ప్రభుత్వం ఆదేశాలిచ్చింది. అదే సమయంలో లాక్డౌన్ సడలింపును కేవలం నాలుగు గంటలకే పరిమితం చేసింది. ఉదయం 6 నుంచి 10 గంటల వరకే ఆంక్షలను ఎత్తివేసింది.
కానీ ఆ సమయంలో రవాణా శాఖలో నిర్వహణ చాలా కష్టంగా మారింది. తొలి రోజు ఎలా కొనసాగించాలో ప్రయత్నాలు చేశారు. కానీ సాధ్యం కాకపోవడంతో ఈ శాఖ మొత్తం విధులను పక్కకు పెట్టింది. దీంతో ఇప్పటి వరకు ఖరారైన స్లాట్లను లాక్డౌన్ తర్వాత పునరుద్ధరించేందుకు నిర్ణయించి, వాటిని బదలాయించింది. అంటే ఇప్పటి వరకు స్లాట్లు బుక్ చేసుకున్న వారికి తర్వాత సమాచారం అందించనున్నట్లు అధికారులు ప్రకటించారు.
