స్వాగతమివ్వు చందమామా!

“మబ్బుతునక జేబురుమాలు

మాటు చేసుకున్న జాబిల్లీ !

ఏమో బహుశా త్వరలో

నీ ఇంటికి రావొచ్చు మేము

స్వాగతం ఇస్తావు కదూ !

ఆతిధ్యానికర్హులమే మేము !

చంద్ర మండలానికి ప్రయాణం

సాధించరాని స్వప్నం కాదు

గాలికన్నా బరువైన వస్తువుని

నేల మీద పడకుండా నిలబెట్టలేదూ ?

పరమాణువు గర్భంలోని

పరమ రహస్యాలు...

మహాకాశ వాతావరణంలోని

మర్మాలు తెలుసుకున్నాక

సరాసరి నీదగ్గరకే

ఖరారుగా వస్తాంలే

అపుడు మా రాయబారుల్ని

ఆదరిస్తావు కదూ నువ్వు ?''

చంద్రయాన్-3 ప్రయోగం సక్సెస్ సందర్భంగా, దాదాపు 60 ఏళ్ల నాడు మహాకవి శ్రీశ్రీ తన 'ఖడ్గ సృష్టి' లోని 'శరచ్చంద్రిక' కవితలో రాసిన కొన్ని కవితా పంక్తులు గుర్తుకొస్తాయి. ఇది శ్రీశ్రీ 1966 లోనే అందించిన “మానవుని ప్రోగ్రెస్ రిపోర్ట్” మరి.

-మహాకవి శ్రీశ్రీ