- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- ఎన్ఆర్ఐ - NRI
- సెక్స్ & సైన్స్
- ఫొటో గ్యాలరీ
- వైరల్
- భక్తి
వానపిల్ల
X
నీలాకాశంకి చిల్లులు పడినట్లు
ఊరు వాడంతా జోరువాన..!
శూన్యతా జల్లెడ లోంచి
ధారగా జారుతున్న సన్న బియ్యంలా
జడివాన చినుకులు..!
వర్షం సుందరి అల్లరి పిల్లలా గెంతుతూ
ఊరంతా కలియ తిరుగుతోంది.!
రోడ్లమీద బడి పిల్లల్లా చిందులేసి
జారుడు బల్లనుంచి జారినట్టు
కాలువలోకి ఉరుకుతుంది వానపిల్ల..!
నేల తల్లి పగుళ్లు కళ్లలోకి
వాన చినుకులు చిటపట పడగానే
ప్రకృతి చేసిన పెను గాయాలు
భూదేవిలో మటుమాయమవుతాయి..!
వర్షానికి పచ్చని చెట్లు
ప్రకృతి స్నానాలు తలార చేసి
ఆకుల శిరోజాలను విరబోసుకుంటాయి..!
జోరు వర్షానికి పేదోడి పూరి గుడిసెలు
ముసలి అవ్వలా ముడుచుకుంటాయి
జడివానకు కలవారి వసతి గృహాలు
పరదాలను సరదాగా కప్పుకుంటాయి..!
వానకు నానిన నేల నుంచి మట్టి పరిమళాలు
నాలుగు దిక్కుల నుండి గుప్పుమంటాయి..!
జి.సూర్యనారాయణ,
62817 25659
Advertisement
- Tags
- Poem
Next Story