- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం-అంతర్జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- సెక్స్ & సైన్స్
నువ్వూ నేనూ
నది అంటే ఏమిటి
వొక నువ్వూ వొక నేనూ
నది ఎక్కడ పుడుతుంది
ఘనీభవించిన శిలలు
కాలపు వెచ్చదనంతో చలికాచుకున్నప్పుడు
కురిసిన మేఘాల లేత నవ్వుల జల్లు కదూ నది
కరుగుతున్న హృదయాల ఆనంద పరవశం జడి కదా నది
కణకణం క్షణక్షణం ఉప్పొంగుతున్న ఉద్వేగం కదా నది
పరుగులు తీసే ఝరి పయనం ఎక్కడికైనా
బండరాళ్ల చెలియలికట్టల బాహువులే కదా నది విలాసం
నదంటే ఏమిటి ఒక నువ్వూ ఒక నేనూ
నువ్వెలా వచ్చావో నేనడగగలనా
నేనెలా వచ్చానో తరచి చూసుకోవాలి
నదుల్ని ప్రవహించిన గండశిలలనడగాలి
గండశిలలను కరిగించిన కాలాన్ని అడగాలి
రాళ్లేమి చెబుతాయి
నది గమనంలోని కంటకాలతో ఘనీభవించాయి
రాళ్లేమి చెబుతాయి
కాలపు పునాదుల కింద పూడిపోయాయి
కాలం ఒక అద్భుత శూన్యం... ఒక వికృత రహస్యం
కాలం సమస్తాన్ని హరించే ఒక గుప్త మార్గం
నదంటే ఏమిటి ఒక నువ్వూ ఒక నేనూ
నేనెవరిని ఎవరు చెప్పగలరు నువ్వెవరో నాకు తెలుసు
కాలపు చివరి అంచులపై
నాట్యం చేస్తున్న గాలిపటం నేను
అంకురం నది పేరు అడగదు
నీకూ నాకూ భేదం అడగదు
ఇక్కడ గండ శిలలు
మనల్ని వేరు చేసే మహా మునులు
ఇక్కడ గండ శిలలు
మనల్ని అంకురాలకు చేర్చే వారధులు
ఇక్కడ సమానం మహాప్రస్థానంలోనే
మన ప్రయాణమంటేనే పతనోద్ధానాలు
కాలం మన ఉనికినీ
మన సంగమాన్నీ ప్రకటించే ఒక ప్రవాహం
నదంటే ఏమిటి ఒక నువ్వూ ఒక నేనూ
కాలం వేరుచేస్తే ప్రవహించి సంగమించగల ప్రవాహం
ఒక నువ్వూ ఒక నేనూ విడదీయలేని త్వమేవాహం.
- కర్నూలు చంద్రశేఖర్
98666 08190
- Tags
- Poem