- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం-అంతర్జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- సెక్స్ & సైన్స్
బడిగంట మోగినపుడు
X
బడిగంట మోగినపుడు
గుండెగంట లబ్ డబ్ అని మోగుతూ
పాదాల్ని వడివడిగా మెలిపెడుతుంది
బడిగంట మోగినపుడు
చదువులగంట తుమ్మెద నాదమై
వినబడుతూ జ్ఞానం విరిసే పూలతోటకు
పదపదమని తొందరపెడుతుంది
బడిగంట మోగినపుడు
పిల్లల నవ్వులగంట కిలకిలనాదమై
నాలో చైతన్యాన్ని రగిలించి నాతో
నాలుగడుగులెక్కువేయిస్తుంది
పొద్దున పూట మోగిన బడిగంట
బడిబాటలో కాళ్లకు సంకెళ్లేసి లాక్కెళితే
సాయంత్రం మోగే బడిగంట
అవే కాళ్లకు సంకెళ్లు విప్పి
స్వేచ్ఛలోకి పరుగుపెట్టిస్తుంది
ఉదయ సాయంత్రాల్లో
బడిగంట మోగినపుడల్లా
పిల్లలకైనా, నాకైనా
బతుకుగంట చెవుల్లో
మార్మోగుతున్నట్టే వుంటుంది
- చిత్తలూరి
91338 32246
Advertisement
- Tags
- Poem
Next Story