ద్వేష భక్తి గేయం

మతమునే ప్రేమించుమన్నా

హింసయన్నది పెంచుమన్నా

వట్టి మాటలే చెప్పుకోవోయ్

చేయు మేలుని కట్టిపెట్టోయ్

హిందూమతమే రాజ్యమేలగ

దారిలో నీవు పాటుపడవోయ్

తతిమ జాతులు మతములన్నీ

అణిగిమణిగి మెలగవలెనోయ్

దేశాభిమానమె నాకె కద్దని

వట్టి గొప్పలె చెప్పుకోవోయ్

దేశమంటే జనం కాదోయ్

దేశమంటే మతం మయమోయ్

స్వంత లాభమె అంత యనుకుని

ప్రజలనందరి ముంచవలనోయ్

జాతి ఆస్తులు కట్టగట్టి

దత్తపుత్రుల కట్టబెట్టోయ్

భక్తిరసమే పొంగి పొర్లగ

సోయ మరచీ మునగవలెనోయ్

ఆకలేసి కేకలేస్తే

తన్ని జైలుకి పంపవలెనోయ్

భక్తి పేరుతో దండుకొనె

సోమరిపోతుల పెంచవలెనోయ్

కాయకష్టం చేసి బ్రతికే

కర్మవీరుల దంచవలెనోయ్

విజ్ఞానమంతయు రాతియుగపు

గ్రంధమయమని బొంకవలెనోయ్

రోదసీ నౌకకి సైతం

దిష్టి టెంకాయ్ కొట్టవలెనోయ్

అంబేద్కరూ గాంధీ ఇజాలకు

పైపై డప్పు కొట్టవలెనోయ్

మతసామరస్యం చావు కోసం

లోన గోతులు తీయవలెనోయ్.

(ఇది గుజరాత్ అప్పారావు ద్వేష భక్తి గీతం)

- జ్యోతిబాసు