ప్రకృతి ప్రేమికులు

పేదోళ్ల బాదంపప్పు అంటే ...

వేవేల లాభాలతో వెలిగిపోయే

వేరుశనగలు !

పేదోళ్ల ఆపిల్ పండు అంటే ...

జగతిలోని జనమంతా మెచ్చిన

జామ పండు !

పేదోళ్ల డ్రాగన్ ఫ్రూట్ అంటే ...

సీతమ్మ నడయాడిన నేలపై

కాసిన సీతాఫలం పండు !

పేదోళ్ల కిస్ మిస్ అంటే ...

ఇలపై ఈనిన గుత్తులు గుత్తుల

ఈత పండ్లు !

పేదోళ్ల బిర్యాని అంటే ...

కమ్మ కమ్మని వేడి వేడి

పచ్చడి మెతుకులు !

పేదోళ్ల టూత్ బ్రష్ అంటే ...

వెలకట్టలేని ఎన్నో ఔషధ

గుణాలున్న వేప పుల్లలు !

పేదోళ్ల ఆరోగ్య రహస్యమంటే ...

వారు నిత్యం శ్రమ జీవులు !

వారి ఆరోగ్యాలు ఊట బావులు !!

వారి జీవనం లోకానికి సౌరభాలు!!!

బోనగిరి. పాండురంగ

తొర్రూరు