AP Govt : మంగళగిరిలో 100 పడకల ఆసుపత్రి

దిశ, వెబ్ డెస్క్ : ఏపీ ప్రభుత్వం(AP Govt) మరో కీలక నిర్ణయం తీసుకుంది. మంగళగిరి(Mangalagiri)లో 100 పడకలతో ఏరియా ఆసుపత్రిని అభివృద్ధి చేయాలని ఉత్తర్వులు జారీ చేసింది. ప్రస్తుతం 30 పడకలుగా ఉన్న ఆసుపత్రిని 100 పడకల ఆసుపత్రిగా మార్చడంతోపాటు, 73 పోస్టులను భర్తీ చేసేందుకు కూడా ఆదేశాలు జారీ చేసింది. ఇందుకు గాను రూ.52 కోట్లను మంజూరు చేసింది. అవసరమయిన ఉద్యోగాల భర్తీ, మౌలిక సదుపాయాల ఏర్పాటు చేయడం వంటి పనులను చేపట్టనుంది. ఈ మేరకు వైద్యశాఖ స్పెషల్ సెక్రెటరీ కృష్ణబాబు ఉత్తర్వులు జారీ చేశారు.