Winter: చలికాలంలో రోగనిరోధకశక్తిని వీటితో సులభంగా పెంచుకోవచ్చు!
దిశ, వెబ్ డెస్క్ : చలి కాలంలో వాతావరణం చల్లగా ఉంటుంది. ఈ సమయంలో జలుబు, దగ్గు, ఫ్లూ వంటి సమస్యలు వస్తాయి. వీటిని తగ్గించుకోవడానికి ఇంటి చిట్కాలు, మూలికలు పని చేస్తాయని నిపుణులు చెబుతున్నారు. దాదాపు అందరి ఇళ్లలో అల్లం ఉంటుంది. దీనిలో ఎన్నో ఔషధ గుణాలు ఉంటాయి. ఇది రోగనిరోధక శక్తి పెంచి,
చలి కాలంలో వచ్చే సమస్యలు ఎదుర్కొనేలా చేస్తుంది. ఇది స్త్రీలలో వచ్చే కడుపును నొప్పిని తగ్గించడంలో సహాయపడుతుంది. చలికాలంలో వచ్చే వ్యాధులకు ఇది మంచి రెమెడీ. దీనిలో యాంటీఆక్సిడెంట్లు, జింజెరాల్ వంటి గుణాలు ఎక్కవగా ఉన్నాయి.
వేడి నీటిలో అల్లం, తేనె వేసి తాగితే గొంతు మంటను తగ్గించి ఉపశమనం కలిగిస్తాయి. గోరువెచ్చని నీటితో అల్లం టీ తీసుకుంటే జలుబు లేదా ఫ్లూకి సంబంధించిన సమస్యలను తగ్గిస్తాయి. అల్లంలో యాంటీ ఇన్‌ఫ్లమేటరీ గుణాలు ఉన్నాయి. అంతే కాకుండా, ఇది కీళ్ల నొప్పులకు కూడా చెక్ పెడుతుంది. భోజనానికి ముందు లేదా తర్వాత అల్లం టీ తాగితే మంచి ఫలితం ఉంటుంది. శీతాకాలంలో వచ్చే కండరాల నొప్పి నుండి ఉపశమనం పొందడానికి అల్లం సహాయపడుతుంది.
గమనిక: ఇక్కడ అందించిన సమాచారం పలు అధ్యయనాలు, పరిశోధనల నుంచి తీసుకోబడింది. ఇది వైద్య నిపుణుల సూచనలకు ప్రత్యామ్నాయం కాదు. ఈ సమాచారం కేవలం మీ అవగాహన కోసమే. ‘దిశ’ ఈ విషయాలను దృవీకరించడం లేదు.
