Trending: అట్లుంటది మనతోని.. బైకుపై స్విమ్మింగ్ పూల్.. (వీడియో వైరల్)
దిశ, ఫీచర్స్: మే నెల ముగియడంతో పాటూ అడపాతడపా వర్షాలు కురుస్తున్నా ఎండ వేడి మాత్రం తగ్గడం లేదు. పైగా రోజు రోజుకూ పెరుగుతూనే ఉంది. దీంతో చాలా మంది ఇంటి నుంచి బయటికి వెళ్లే సమయంలో అనేక రకాల జాగ్రత్తలు తీసుకుంటున్నారు. ఈ క్రమంలో కొందరు విచిత్ర ప్రయోగాలు చేస్తూ అందరినీ ఆశ్చర్యపరచడం చూస్తూనే ఉన్నాం. తాజాగా, ఓ వ్యక్తి బైకులో వెళ్తూ స్విమ్మింగ్ పూల్‌లో స్నానం చేసేలా ఏర్పాట్లు చేసుకున్నాడు. ఈ వీడియో చూసిన నెటిజన్లు షాకింగ్ కామెంట్లు చేస్తున్నారు.
సోషల్ మీడియాలో ఓ వీడియో తెగ వైరల్ అవుతోంది. ఓ వ్యక్తి.. బైక్పై వెళ్తున్న సమయంలో ఎండ వేడి తగలకుండా ఏదైనా వినూత్నంగా చేయాలని అనుకున్నాడు. ఇందుకోసం ముందుగా అతను ఓ పాత ప్లాస్టిక్ డ్రమ్మును తీసుకొచ్చి దానికి కొన్ని రంధ్రాలు చేసి చేతులు, కాళ్లు, తల బయటికి కనిపించేలా సెట్ చేశాడు. ఇలా డ్రమ్మును కట్ చేసిన తర్వాత.. అందులో కూర్చుని కాళ్లు, చేతులు బయటికి పెట్టాడు. అలాగే స్కూటర్‌పై కూర్చున్నాడు. తర్వాత ఆ డ్రమ్ము నిండుగా నీళ్ళు పట్టారు. చివరగా అతను ఓ వైపు స్కూటర్ నడుపుతూనే, మరోవైపు డ్రమ్ము నీటిలో స్నానం కూడా చేస్తున్నాడు.
ఇలా ఈ వ్యక్తి స్కూటర్‌పై వెళ్లే సమయంలో ఎండ వేడి నుండి ఉపశమనం పొందేలా ఏర్పాటు చేసుకున్నఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. కాగా ఈ వీడియో ప్రస్తుతం 7 లక్షలకు పైగా లైక్‌లను సొంతం చేసుకుంది.
