Breast Cancer : పురుషులలోనూ బ్రెస్ట్ క్యాన్సర్.. ఛాతీలో అలాంటి గడ్డ కనిపిస్తే తస్మాత్ జాగ్రత్త..
దిశ, ఫీచర్స్ : ఈ మధ్యకాలంలో మనం ఎక్కడ చూసినా మహిళలకు రొమ్ము క్యాన్సర్ వస్తుంటుంది. చాలా మంది రొమ్ము క్యాన్సర్ మహిళల్లో మాత్రమే వస్తుందనుకుంటారు. మీరు కూడా ఇలాగే ఆలోచిస్తే తప్పు. వాస్తవానికి, రొమ్ములు పురుషులు, స్త్రీలలో ఉంటాయి. కానీ స్త్రీలలో అవి పాలను ఉత్పత్తి చేస్తాయి. అయితే పురుషులు ఈ పని చేయనవసరం లేదు, అందువల్ల పురుషులలో రొమ్ములు అభివృద్ధి చెందవు. ఇదిలా ఉంటే స్త్రీలు, పురుషులు ఇద్దరికీ బ్రెస్ట్ క్యాన్సర్ వచ్చే ప్రమాదం ఉంటుందంటున్నారు నిపుణులు. అయినప్పటికీ, పురుషులలో రొమ్ము క్యాన్సర్ కేసులు చాలా అరుదు అనేది కూడా నిజం అంటున్నారు. గతేడాది పాట్నాకు చెందిన 60 ఏళ్ల వ్యక్తి బ్రెస్ట్ క్యాన్సర్‌తో బాధపడుతున్నాడని తెలిపారు. ఆశ్చర్యకరంగా 81 శాతం మంది పురుషులకు కూడా బ్రెస్ట్ క్యాన్సర్ వస్తుందని, ఆ విషయం చాలామందికి తెలియదని ఒక సర్వేలో తేలింది. అందుకే పురుషులు కూడా జాగ్రత్తగా ఉండాలంటున్నారు నిపుణులు.
పురుషులలో రొమ్ము క్యాన్సర్ లక్షణాలు..
మయో క్లినిక్ ప్రకారం పురుషుల ఛాతీలో చనుమొన చుట్టూ ఏదైనా గడ్డ కనిపిస్తే, అది తాకడం కష్టంగా ఉంటే, దానిని తీవ్రంగా పరిగణించాలి. ఎందుకంటే ఇది పురుషుల్లో రొమ్ము క్యాన్సర్‌కు సంకేతం. అంతే కాదు మనిషికి బ్రెస్ట్ క్యాన్సర్ వచ్చినప్పుడు, ఛాతీ చుట్టూ ఉన్న చర్మం చాలా సన్నగా మారడం ప్రారంభమవుతుంది. ఆ తర్వాత గడ్డలు కూడా ఏర్పడతాయి. కాబట్టి ఇది నొప్పిని కలిగించదు. రొమ్ము క్యాన్సర్ విషయంలో రొమ్ము రంగు, ఆకారం, పరిమాణంలో మార్పు ఉంటుంది. అక్కడ చారలు కూడా ఏర్పడతాయి. చనుమొన వేరే దిశలో తిరగడం ప్రారంభిస్తుంది. చనుమొన నుండి రక్తస్రావం లేదా ఉత్సర్గ ఉంటే, అది పురుషులలో రొమ్ము క్యాన్సర్ కు అతిపెద్ద సంకేతం. ఈ లక్షణాలు కనిపించిన వెంటనే వైద్యుని వద్దకు వెళ్లాలంటున్నారు నిపుణులు.
కొన్ని నివేదికల ప్రకారం 60 ఏళ్లు పైబడిన పురుషులలో రొమ్ము క్యాన్సర్ వచ్చే ప్రమాదం ఎక్కువగా ఉంటుందంటున్నారు. వృద్ధాప్యంలో, పురుషులకు ప్రోస్టేట్ సమస్యలు మొదలవుతాయని చెబుతున్నారు. అలాంటి పురుషులు కొన్నిసార్లు ఈస్ట్రోజెన్ థెరపీని తీసుకుంటారు. ఈస్ట్రోజెన్ థెరపీ కూడా రొమ్ము క్యాన్సర్‌కు కారణం కావచ్చు. ఇప్పటికే వారి కుటుంబంలో రొమ్ము క్యాన్సర్ కేసు ఉన్నవారికి కూడా రొమ్ము క్యాన్సర్ వచ్చే ప్రమాదం ఉందంటున్నారు. అంతే కాదు ఊబకాయం, వృషణ సంబంధిత వ్యాధులు లేదా వృషణ శస్త్రచికిత్స కూడా పురుషులలో రొమ్ము క్యాన్సర్ కేసులను పెంచుతుందంటున్నారు నిపుణులు.
*గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.
