అయోధ్యరామమందిర ప్రారంభోత్సవంపై నిత్యానంద స్వామి పోస్ట్ వైరల్

దిశ, ఫీచర్స్ : కోట్లాది మంది భక్తుల మధ్య అయోధ్య‌లో శ్రీరాముడు కొలవుదీరాడు. రామనామజపంతో అయోధ్య మారుమోగుతుంది. ఘనంగా బాలరాముడి విగ్రహ ప్రాణప్రతిష్ట జరిగింది. ఈ చారిత్రత్మక ఘట్టాన్ని ప్రజలందరూ తిలకిస్తూ మురిసిపోతున్నారు.

ఈ క్రమంలో,ఆధ్యాత్మిక గురువు నిత్యానంద స్వామి చేసిన పోస్టు నెట్టింట తెగ వైరల్ అవుతోంది.అయోధ్యలోని అద్భుత ఘట్టంగా జరుగుతున్న శ్రీరాముని ప్రాణ ప్రతిష్ట కార్యక్రమానికి తనకు కూడా ఆహ్వానం వచ్చిందని సోషల్ మీడియా ప్లాట్ ఫామ్ ఎక్స్ ద్వారా తెలియజేశారు. అయోధ్యలో శ్రీరాముని ప్రారంభోత్సవం జరుగుతున్న క్రమంలో ఈయన చేసిన ఈ పోస్ట్ సోషల్ మీడియాలో తెగ హల్ చేస్తోంది. ఒకప్పుడు ఆధ్యాత్మిక గురువుగా మన దేశంలోనే ఉన్న నిత్యానందస్వామి .అత్యాచార ఆరోపణలు, సినీ నటి రంజితతో అశ్లీల దృశ్యాల వీడియోలు బయటపడటంతో ఆయన వివాదాస్పద స్వామిగా మారారు. ఆ తర్వాత కొంత కాలం అజ్ఞాతంలోకి వెళ్లిపోయారు.