రసిక లవర్స్.. వాలెంటైన్స్ డేన జోరుగా కండోమ్స్ కొనుగోళ్లు

దిశ, వెబ్‌డెస్క్: ప్రేమికుల దినోత్సవం రోజు ఏ లవరైనా రోజా పూలు, గిఫ్టులు కొనుగోలు చేయడం సహజం. తమ ప్రేమకు గుర్తుగా వాలెంటైన్స్ డేన ఏదో ఒక గిఫ్ట్ ఇచ్చుకోవడం ఆనవాయితి. అయితే ఈ ఫాస్ట్ జనరేషన్‌లో ఈసారి లవర్స్ తమ వక్రబుద్ధిని చాటుకున్నారు. రోజా పూలే కాదు.. కండోమ్స్ కూడా అత్యధికంగా కొనుగోలు చేసి ఔరా అనిపించారు. ఇది ఏదో మెడికల్ షాపుల నివేదిక కాదు.. ఏకంగా ఆన్ లైన్‌లోనే తెగ ఆర్డర్లు పెట్టి మరీ కొనుగోలు చేశారు రసిక ప్రేమికులు.

ప్రముఖ ఆన్ లైన్ విక్రయాల గ్రోసరీ సంస్థ బ్లింకిట్‌లో లవర్ బాయ్స్ అత్యధికంగా కండోమ్స్ కొనుగోలు చేశారట. దీనిని ఆ సంస్థ ఫౌండర్ ఆల్బిందర్ దిండ్సా తన అధికారిక ట్విట్టర్ ఖాతాలో పోస్ట్ చేశారు. ప్రేమికుల దినోత్సవం రోజు అత్యధికంగా అమ్ముడుపోయిన వాటిల్లో కండోమ్ ఉందట. మిగతా రోజుల కంటే వాలెంటైన్స్ డేన వీటి విక్రయాలు గణనీయంగా పెరిగాయని పేర్కొన్నారు. వాటితోపాటు క్యాండిల్స్, రోజా పూలు, బాడీ డియోడరెంట్స్, లేడీస్ పెర్ ఫ్యూమ్స్, బోకేలు, చాక్లెట్లు ఉన్నాయి.

Also Read...

నీ ఎక్స్‌పోజింగ్‌తో మేము చచ్చిపోతున్నాం: మళ్లీ రెచ్చిపోయిన Ashu Reddy