liver health: ఆరోగ్యకరమైన కాలేయం కోసం అవసరమైన ఆహారపు అలవాట్లు..!!
దిశ, వెబ్‌డెస్క్: కాలేయం మన శరీరంలో చాలా ముఖ్యమైన అవయవం. ఆహారాన్ని జీర్ణం చేయడంలో సహాయపడుతుంది. కాలేయం పిత్తం అనే ద్రవాన్ని ఉత్పత్తి చేస్తుంది. అలాగు రక్తంలోని విషపదార్థాలను తొలగించి, వాటిని శరీరానికి హానికరంగా కాకుండా చేస్తుంది. కాలేయం ప్రోటీన్లను నిర్మించి, చక్కెరను నిల్వ చేస్తుంది. కాలేయం మందులను జీర్ణం చేసి.. వాటిని విషరహిత రూపంలోకి మార్చడంలో మేలు చేస్తుంది. కడుపు, ప్రేగుల నుంచి వచ్చే రక్తాన్ని కాలేయం శుద్ధి చేయడంలో కాలేయం కీలక పాత్ర పోషిస్తుంది.
కాలేయం ఆరోగ్యంగా ఉండటానికి తరచూ నిపుణులు ఈ జాగ్రత్తలు తీసుకోవాలని సూచిస్తుంటారు. క్రమం తప్పకుండా వ్యాయామం చేయడం వల్ల కాలేయం చుట్టూ కొవ్వు పేరుకుపోకుండా ఉంటుంది. అలాగే వాటర్ ఎక్కువగా తాగండి. రోజుకు కనీసం 8 గ్లాసులు త్రాగడానికి ప్రయత్నించండి. నీరు ఎక్కువగా తాగడం వల్ల టాక్సిన్స్‌ను తొలగించడం, కాలేయ పనితీరును మెరుగుపరుస్తుంది
వెల్లుల్లి, ఆకుకూరలు, సిట్రస్ పండ్లు కాలేయానికి మంచివి. ఎందుకంటే వీటిలో యాంటీఆక్సిడెంట్లు, విటమిన్లు మరియు ఖనిజాలతో సమృద్ధిగా ఉంటాయి. వీటితో పాటుగా తగినంద నిద్రపోవాలి. చికెన్, చేపలు, బీన్స్ వంటి లీన్ ప్రోటీన్స్ తీసుకోవడం వల్ల కాలేయం ఆరోగ్యంగా ఉంటుందని నిపుణుల సూచిస్తుంటారు. అలాగే బచ్చలికూర కాలేయ ఎంజైమ్ ఉత్పత్తిని పెంచుతాయి. వీటితో పాటుగా.. అలాగే మీ ఆహారంలో పసుపు తప్పక జోడించండి.
పసుపు జోడించండి..
ఈ శక్తివంతమైన మసాలా దినుసులో పసుపు ఒకటి. ఇది మంటతో పోరాడుతుంది. పిత్త ఉత్పత్తిలో సహాయపడుతుంది. మీ కాలేయాన్ని దెబ్బతినకుండా సురక్షితంగా ఉంచుతుంది.
ప్రాసెస్ చేసిన ఆహారాలను తగ్గించండి..
ప్రస్తుత రోజుల్లో చాలా మంది బయట ఫుడ్‌కే ఎక్కువగా ప్రిపరెన్స్ ఇస్తున్నారు. కానీ ప్రాసెస్ చేసిన ఆహారాలు తినకపోవడం మేలని నిపుణులు సూచిస్తున్నారు. ప్రాసెస్ ఫుడ్స్ వల్ల అనారోగ్యం పాలవ్వడం తప్ప మరెమీ లేదు.
ఫైబర్ వినియోగాన్ని పెంచండి..
వోట్స్, కాయధాన్యాలు, యాపిల్స్ వంటి ఫైబర్ అధికంగా ఉండే ఆహారాలు కాలేయాన్ని టాక్సిన్స్‌ను బయటకు పంపడంలో, రక్తంలో చక్కెరను స్థిరీకరించడంలో.. సమర్థవంతమైన జీవక్రియ కోసం జీర్ణక్రియను పెంచడంలో సహాయపడతాయి.
ఆరోగ్యకరమైన కొవ్వులు తినండి..
అవకాడోలు, గింజలు, ఆలివ్ నూనెలో అవసరమైన కొవ్వు ఆమ్లాలు ఉంటాయి. ఇవి మంటను తగ్గించి, కాలేయ కణాలను కాపాడతాయి. అలాగే మెరుగైన మొత్తం కాలేయ ఆరోగ్యానికి తోడ్పడుతుంది.
గ్రీన్ టీ తాగండి..
యాంటీఆక్సిడెంట్లు సమృద్ధిగా ఉన్న గ్రీన్ టీ కాలేయ మంటను తగ్గిస్తుంది, ఎంజైమ్ కార్యకలాపాలను పెంచుతుంది. శరీరం నుంచి విష పదార్థాలను తొలగించడంలో సహాయపడుతుంది.
మద్యం తాగడం తగ్గించండి..
ఆల్కహాల్ వినియోగాన్ని తగ్గించడం వల్ల కాలేయం దెబ్బతినకుండా నిరోధిస్తుంది. టాక్సిన్ నిర్మాణాన్ని తగ్గిస్తుంది. మీ కాలేయాన్ని మెటాబోలైజింగ్.. డిటాక్సిఫై చేయడంలో సమర్థవంతంగా ఉంచుతుంది.
గమనిక: పైవార్తలోని సమాచారం ఇంటర్నెట్ ఆధారంగా సేకరించబడింది. దిశ దీనిని ధృవీకరించలేదు. మీ అవగాహన కోసం నిపుణులు అందించిన సమాచారం మాత్రమే అందిస్తున్నాం. పై వార్తలో మీకు అనుమానాలు ఉంటే కనుక నిపుణులకు సంప్రదించగలరు.
