సంతృప్తి పరిస్తే చాలు.. ఏజ్‌తో పనేంటి..?
దిశ, ఫీచర్స్: 60 ఏళ్ల వృద్ధురాలితో 19ఏళ్ల యువకుడి పెళ్లి.. 51 ఏళ్ల వ్యక్తితో 23 ఏళ్ల అమ్మాయి డేటింగ్.. ఇలాంటి ఏజ్ గ్యాప్ రిలేషన్‌షిప్ వార్తలు చూస్తూనే ఉన్నాం. డబ్బు, ఆస్తులు, అంతస్థుల కోసమే ఇలాంటి బంధాల్లోకి ఎంటర్ అవుతారని కొందరు నెగెటివ్ కామెంట్స్ చేస్తుంటే.. మరికొందరు మాత్రం ప్రేమకు వయసుతో సంబంధం లేదు, అది ఎప్పుడు ఎలా ఎవరి మధ్య పుడుతుందో తెలియదంటూ పాజిటివ్‌గా రియాక్ట్ అవుతుంటారు. కానీ ఈ వయసు అంతరమున్న బంధాలు నిజంగా కడవరకు నిలబడతాయా? ఇలాంటి బంధాల్లో వచ్చే సమస్యలు ఏంటి? లాభాలు ఏంటి? ఆ బంధంలో ఉన్న వ్యక్తుల మనోభావాలు ఎలా ఉంటాయి? సమాజం ఎలా ట్రీట్ చేస్తుంది? దీనిపై నిపుణుల అభిప్రాయాలు ఏంటి? చూద్దాం.
న్యూ ఢిల్లీకి చెందిన ఓ మహిళ తన చివరి సంబంధం గురించి పశ్చాత్తాపం చెందుతుంది. దీన్ని ఒక రకమైన ద్రోహంగా పరిగణిస్తోంది. ఆమె కంటే ఎనిమిదేళ్లు చిన్నవాడైన ఆమె ఎక్స్ పార్ట్‌నర్.. ఈ విషయాన్ని అతని కుటుంబానికి చెప్పలేకపోయాడని, చివరికి తన తల్లిదండ్రులు సూచించిన అమ్మాయిని వివాహం చేసుకునేందుకు తన నుంచి విడిపోయాడని చెప్పుకొచ్చింది. డివోర్స్‌డ్ మహిళగా తన సంబంధాలన్నీ ఇలాగే ఎండ్ అవుతున్నాయని బాధపడింది. ఇక 29 ఏళ్ల యువకుడితో డేటింగ్‌లో ఉన్న 54 ఏళ్ల రచయిత.. ‘ బంధాలు నిలబడకపోవడానికి వయసు కారణమని కొన్నిసార్లు భావించాను కానీ ఇద్దరు వ్యక్తుల మధ్య ఉన్న బంధం మీదనే ఆ రిలేషన్‌షిప్ ఆధారపడి ఉంటుందని నమ్ముతున్నాను. నా ప్రియుడు వయసు తేడా గురించి పట్టించుకోడు’ అని చెప్పుకొచ్చింది. అంటే ఒకరి విషయంలో ప్రతికూలమై పోయిన వయసు అంతరం.. మరొకరి విషయంలో అనుకూలంగా మారి ఆనందాన్ని పంచవచ్చు.
సొసైటీ అండ్ స్టిగ్మా
తమ వయసు కంటే చాలా పెద్దవారు లేదా చాలా చిన్నవారితో ప్రేమలో పడటం ఓ సవాల్. ఆల్మోస్ట్ మనవరాలు, మనవడితో లవ్ యాంగిల్ కాస్త వింత కూడా. అందుకే సమాజపు అంచనాలు, ఊహలు, ముందస్తు ఆలోచనలు మానసిక, భావోద్వేగ ఆరోగ్యాన్ని ప్రభావితం చేస్తాయి. కాబట్టి సొసైటీ స్టిగ్మా, ఒపీనియన్ అనేది తరుచుగా ఇలాంటి బంధాలపై ఎఫెక్ట్ చూపుతుంది. ఒకవేళ ఈ బంధంలో స్త్రీ వయసు పెద్దగా ఉన్నట్లయితే వేలెత్తి చూపేందుకు సవాలక్ష కారణాలుంటాయి. ముందుగా తాను ఆ రిలేషన్‌కు ఏ విధంగా అర్హురాలో నిరూపించుకోవాలనే మాటలు వినిపిస్తుంటాయి. కానీ జ్ఞానం, భావోద్వేగ పరిపక్వత వయసుతో రాదని అంటున్నారు నిపుణులు.
స్వీయ అన్వేషణ, అవగాహనతోనే వస్తుందని చెప్తున్నారు. అందుకే ఇతర బంధాల్లో మాదిరిగానే సొంత మానసిక, భావోద్వేగ శ్రేయస్సు, స్వీయ భావం, అనుబంధాల నమూనా గురించి తెలుసుకోవడం ముఖ్యం. బంధంలోకి ఎంటర్ అయ్యే ముందే అన్నీ ఆలోచించుకోవడం ఇంపార్టెంట్. చాలా మంది వ్యక్తులు వారి భాగస్వాముల అంచనాల గురించి అస్పష్టంగా ఉంటారు. శృంగార భాగస్వామిని కనుగొన్న తర్వాత అన్ని సమస్యలు తొలగిపోతాయని నమ్ముతాము. కానీ సంబంధం నుంచి వాస్తవిక అంచనాలను కలిగి ఉండాలి. లేదంటే స్థిరంగా అధికారం, నియంత్రణ, సంభావ్య భావోద్వేగ బలవంతం, దుర్వినియోగం, స్వయంప్రతిపత్తి కోల్పోవడం కాలక్రమేణా కనెక్షన్ కోల్పోవడానికి దారి తీస్తుంది.
అంతేకాదు శారీరక, భావోద్వేగ, మానసిక స్థితిగతులలో వ్యత్యాసాలు.. భాగస్వాములు వేర్వేరు జీవిత దశలలో ఉండటం వలన సామాజిక, ఆర్థిక ఈక్విటీలో తేడాలు నావిగేట్ చేయడం కష్టం. ఇద్దరు వ్యక్తులు వేర్వేరు సమయాల్లో పెరిగారు. విభిన్న రాజకీయ ఉద్యమాలు, సామాజిక విధానాలు, సంగీతం, పుస్తకాలు, విగ్రహాల ద్వారా ప్రభావితమయ్యారు. కాబట్టి ఇవి సంబంధంలో పెద్ద అంతరంగా మారొచ్చు. కానీ స్పష్టమైన సంభాషణ, పరస్పర గౌరవం, అంచనాలను సెట్ చేయడం కచ్చితంగా ఆ బంధాన్ని నిలబెడుతుందంటున్నారు నిపుణులు.
మెరుగైన బంధం నిర్మాణం
ఏ బంధంలోనైనా ఒకరి నుంచి మనకు కొన్ని ఎక్స్‌పెక్టేషన్స్ ఉంటే అవే అంచనాలు ఎదుటి వ్యక్తికి కూడా మన నుంచి ఉంటాయని గుర్తించాలి. ఈ సంబంధాన్ని మనం సమతుల్యం చేసుకునే స్థలాన్ని కనుగొనాలి. వ్యక్తి మనస్సు.. అనుభవాలు, అభ్యాసాల ఉత్పత్తి అని అర్థం చేసుకోవడం ముఖ్యం. ప్రత్యేకించి మీకు వయస్సులో వ్యత్యాసం ఉన్నప్పుడు, ప్రారంభంలోనే తల్లిదండ్రుల సంరక్షణ, నిర్ణయం తీసుకోవడంలో పాత్రలు, బాధ్యతలపై స్పష్టమైన అవగాహన కలిగి ఉండడం మంచిది. కలిసి నిర్ణయాలు తీసుకోవాలి. అవతలి వ్యక్తి ప్రపంచ దృష్టికోణాన్ని గౌరవించాలి. అలాంటప్పుడే ఆ బంధంలో సాన్నిహిత్యం, లోతైన సంతృప్తిని కలిసి నిర్మించుకోవచ్చు.
ఇవి కూడా చదవండి : Negative Feelings: శృంగారం ముగింపు ఆందోళనగా ఉంటుందా..? అయితే ఇలా చేయండి!!
