సహజీవనం అది ఆశించే చేస్తారా? అసలు ఎలా స్టార్ట్ అవుతుంది?

దిశ, ఫీచర్స్ : లివ్ ఇన్ రిలేషన్ షిప్ లో కలిసి ఉండాలనే భావన తొలినాళ్లలో ఉత్సాహంగా అనిపించినా... సమయం గడిచే కొద్దీ స్పార్క్ తగ్గిపోతుంది. ఇలాంటి పరిస్థితిలో భాగస్వామి కాస్త రూమ్ మేట్ గా కనిపించడం స్టార్ట్ అవుతుంది. ఇంట్లో పనుల విషయంలో చిరాకు వస్తుంది. గొడవలు ప్రారంభం అవుతాయి. పని ఒత్తిడి, టైట్ షెడ్యూల్స్ అంటూ ఒకరికొకరు టైమ్ ఇవ్వకుండా దాటేస్తుంటారు. అసలు కలిసేందుకు కూడా ఇంట్రెస్ట్ చూపరు. గదిలో ఉన్నా పట్టించుకోరు. దీనినే రూమ్ మేట్ సిండ్రోమ్ అని పిలుస్తారు. భావోద్వేగ కనెక్షన్ తగ్గిపోయి.. కేవలం శారీరక సాన్నిహిత్యం కోసమే కలిసి ఉన్నట్లుగా అనిపించే ఈ పరిస్థితిని ఎలా డీల్ చేయాలి? బంధంలో మళ్లీ నూతనోత్తేజం ఎలా నింపాలి? అనేది సూచిస్తున్నారు నిపుణులు.

మీకు, మీ భాగస్వామికి మధ్య ఉన్న దూరాన్ని తక్షణమే పరిష్కరించండి. వివాదాస్పద జీవనశైలి, కమ్యూనికేషన్ లేకపోవడం, ఎక్స్ పెక్టేషన్స్ ఇందుకు మూల కారణం కావచ్చు. ఆచరణాత్మక సమస్యలు, భావోద్వేగ దూరాన్ని అర్థం చేసుకోవడం.. సమస్యను ఒకరి కోణం నుంచి చూసినప్పుడు మరింత సానుభూతి పొందుతారు. డిస్‌కనెక్ట్‌కు కారణమయ్యే వాటిని గుర్తించడం అర్థవంతమైన మార్పులు చేయడానికి మొదటి అడుగు.

సమస్యలను పరిష్కరించిన తర్వాత తాజాగా ప్రారంభించండి. కలిసి నాణ్యమైన సమయాన్ని గడపడం ద్వారా భావోద్వేగ, శారీరక సంబంధాన్ని పునర్నిర్మించండి. మీ బంధం ప్రారంభ రోజుల ఆనందాన్ని మళ్లీ అనుభవించడానికి బిజీ షెడ్యూల్ నుండి బ్రేక్ తీసుకోండి. ఒకరికొకరు సర్ప్రైజ్ కలిగించేలా ప్లాన్ చేసుకోవడం, విహార యాత్రకు వెళ్ళడం వంటివి చేయండి.

సంబంధంలో డిస్‌కనెక్ట్ అయ్యామని అంగీకరించడం ద్వారా నిజాయితీతో కూడిన సంభాషణ ప్రారంభమవుతుంది. రిలేషన్ ను కాపాడుకోవడానికి, కొనసాగించడానికి ఏదైనా అవకాశం ఉంటే ఏకాభిప్రాయంతో ముందుకు సాగాలి. లేదంటే పరస్పర అవగాహన, గౌరవంతో, శాంతియుతంగా బంధానికి ఎండ్ కార్డ్ వేయాలి. లేదంటే శారీరకంగా, మానసికంగా అలిసిపోయిన భావన కలుగుతుంది.