బీజేపీ, కాంగ్రెస్ చేయని పనులు నేను చేస్తా: గాలి జనార్ధన్ రెడ్డి
దిశ, వెబ్ డెస్క్: వచ్చే శాసనసభ ఎన్నికల్లో కేఆర్‌పీపీ గెలుపుతో కళ్యాణ రాజ్య ప్రగతి పక్ష వ్యవస్థాపకులు గాలి జనార్ధన్ రెడ్డి ధీమా వ్యక్తం చేశారు. కలబురిగి జిల్లా సేడం తాలుకాలో శుక్రవారం కళ్యాణ కర్ణాటక రాజ్య పార్టీ వ్యవస్థాపకులు గాలి జనార్దన్‌ రెడ్డి ఆధ్వర్యంలో భారీ బహిరంగ సభను నిర్వహించారు. ఈ సందర్భంగా ఆయన మాట్లాడుతూ బీజేపీ, కాంగ్రెస్ ప్రభుత్వ పెద్దలు తన పై నిందలు వేసి రూ.లక్ష కోట్ల రూపాయల ఉన్నాయని ప్రజలకు చెబుతూ వస్తున్నారని అన్నారు. తన వద్ద రూ.లక్ష కోట్ల రూపాయలు ఉంటే తానే అధికారంలో వుండే వాడిని కదా అని ప్రశ్నించారు.
12ఏళ్లు తాను జైల్లో ఉండాల్సిన అవసరం లేదన్నారు. కళ్యాణ రథయాత్రను ఇక్కడి నుంచే ప్రతి ఒక్క గ్రామం, ప్రతి తాలుకా, ప్రతి జిల్లాలో ప్రచారం చేస్తానని, జనార్దన్‌రెడ్డి ఒక వ్యక్తి కాదని ఒక బలమన్నారు. బీజేపీ, కాంగ్రెస్ ప్రభుత్వాలు చేయలేని పనులను జనార్దన్‌ రెడ్డి చేస్తారని ప్రజలు నమ్ముతున్నారన్నారు. కళ్యాణ కర్ణాటక విభాగంలో ఎనిమిది జిల్లాల్లో నా పక్షం విలువెంటో, నేనెంటో ప్రభుత్వాలకు చూపుతానన్నారు. తనపై నిందలు వేసిన వారి నోళ్లు మూయిస్తానని తెలిపారు. ఈ కార్యక్రమంలో కృష్ణగౌడ, సురేష్‌ కుమార్‌, మైలారప్ప, ఎమనూరు గౌడ, ప్రభురాజు, సురేష్‌, కళ్యాణరావు, దుర్గారావు, ప్రేమ్‌రాజ్‌, తదితరులు పాల్గొన్నారు.
