బీజేపీకి షాక్.. లక్ష్మణ్ రాజీనామా

దిశ, స్టేషన్ ఘన్ పూర్: వరంగల్ అర్బన్ జిల్లా వేలేరు బీజేపీ మండల అధ్యక్షుడు లక్ష్మణ్ శుక్రవారం పార్టీకి రాజీనామా చేశారు. ఈ సందర్భంగా విలేకరులతో మాట్లాడుతూ.. మండలంలోని బీజేపీ నాయకులు పార్టీ అభివృద్ధి కృషి చేయకుండా తమ స్వలాభాలతో గ్రూపు రాజకీయాలు చేస్తున్నారని, అందుకే పార్టీ అధ్యక్ష పదవితోపాటు ప్రాథమిక సభ్యత్వానికి రాజీనామా చేస్తున్నట్లు ప్రకటించారు. ఈ కార్యక్రమంలో సూత్రపు కొమురయ్య, కొయ్యడ వెంకటస్వామి, పెరుమయ్య, ఎండి పాషా, సురేష్ తదితరులు పాల్గొన్నారు.