బీరంగూడవాసి ట్వీట్‌కు కేటీఆర్ స్పందన

దిశ, పటాన్‌చెరు: బీరంగూడ-కిష్టారెడ్డిపేట్ రోడ్డు విస్తరణ పనులకు సంబంధించి టెండర్లు పూర్తయ్యాయని, త్వరలోనే పనులు ప్రారంభించనున్నట్లు మంత్రి కేటీఆర్ తెలిపారు. ఆదివారం ట్విట్టర్ వేదికగా ‘‘ఆస్క్ కేటీఆర్’’ అనే కార్యక్రమంలో నెటిజన్లు అడిగిన ప్రశ్నలకు బదులిచ్చారు. ఈ క్రమంలో బీరంగూడకు చెందిన ఫార్మా ఉద్యోగి రమేష్ బీరంగూడ కిష్టారెడ్డిపేట్ రోడ్డు దుస్థితిని ఫోటోలతో కేటీఆర్‌కు ట్వీట్ చేశారు. స్పందించిన కేటీఆర్ రోడ్డు పనులకు సంబంధించి టెండర్లు పూర్తయ్యాయని, త్వరలోనే పనులు ప్రారంభించనున్నట్లు బదులిచ్చారు.