యశ్ అభిమాని ఆత్మహత్య.. అంత్యక్రియలకు రావాలని నోట్
దిశ, సినిమా: కేజీఎఫ్ స్టార్ యశ్.. తన అభిమాని ఆత్మహత్య గురించి బాధపడిపోయారు. తన ఆత్మకు శాంతి కలగాలంటూ ట్వీట్ చేశారు. కర్ణాటక మాండ్య జిల్లా, కొడిదొడ్డి గ్రామానికి చెందిన రామకృష్ణ కొంతకాలంగా అనారోగ్యంతో బాధపడుతున్నాడు. కన్నడ హీరో యశ్, అపోజిషన్ లీడర్ సిద్ధారామయ్యకు వీరాభిమాని అయిన రామకృష్ణ.. వీరిద్దరూ తన అంత్యక్రియలకు హాజరుకావడమే చివరికోరిక అంటూ సూసైడ్ నోట్ రాసి ఆత్మహత్య చేసుకున్నాడు. ఈ విషయం గురించి తెలుసుకున్న సిద్ధారామయ్య తన అభిమాని అంత్యక్రియలకు హాజరయ్యాడు. ట్విట్టర్‌లో తన మృతి గురించి యశ్‌ను ట్యాగ్ చేస్తూ పోస్ట్ పెట్టాడు. ‘తాను ఎప్పుడూ రామకృష్ణను కలిశానని అనుకోవడం లేదు. మీ ఫ్యాన్‌ను అలాంటి పరిస్థితుల్లో చూడటం బాధగా ఉంది. ఎవరూ కూడా ఇంత యంగ్ ఏజ్‌లో లైఫ్ ఎండ్ చేసుకోకూడదు’ అంటూ ట్వీట్ చేశాడు సిద్ధారామయ్య.
సిద్ధారామయ్య ట్వీట్ ద్వారా ఈ ఇన్సిడెంట్‌ గురించి తెలుసుకున్న యశ్.. ఈ సంఘటనను జీర్ణించుకోలేకపోతున్నానని ట్వీట్ చేశాడు. ఏ యాక్టర్ కూడా తన అభిమానుల నుంచి ఇలాంటిది కోరుకోడని అన్నారు. ‘నటులు జీవించేది అభిమానుల చప్పట్లు, విజిల్స్ కోసమే.. వారు చూపించే అభిమానం, ప్రేమతోనే జీవితాంతం సంతోషంగా ఉండాలని అనుకుంటారు’ అని తెలిపారు. తన అభిమానుల నుంచి ఇలాంటి ఆత్మహత్యలు కోరుకోవడం లేదని యశ్ అన్నాడు.
ಅಭಿಮಾನಿಗಳ ಅಭಿಮಾನವೇ ನಮ್ಮ ಬದುಕು.. ಜೀವನ.. ಹೆಮ್ಮೆ..
ಆದರೆ ಮಂಡ್ಯದ ರಾಮಕೃಷ್ಣನ ಅಭಿಮಾನಕ್ಕೆ ಹೆಮ್ಮೆಪಡಲು ಸಾಧ್ಯವೇ…
ಅಭಿಮಾನಿಗಳ ಅಭಿಮಾನಕ್ಕೆ ಇದು ಮಾದರಿಯಾಗದಿರಲಿ.. ಕೋಡಿ ದೊಡ್ಡಿ ರಾಮಕೃಷ್ಣನ ಆತ್ಮಕ್ಕೆ ಚಿರಶಾಂತಿ ಸಿಗಲಿ…
ಓಂ ಶಾಂತಿ…— Yash (@TheNameIsYash) February 18, 2021
