ట్విట్టర్‌కు కంగనా గ్రాండ్ ఎంట్రీ..
బాలీవుడ్ హీరోయిన్ కంగనా రనౌత్ ట్విట్టర్‌లోకి గ్రాండ్ ఎంట్రీ ఇచ్చింది. ఎప్పుడూ సోషల్ మీడియా‌కు దూరంగా ఉండాలనుకునే తాను ట్విట్టర్‌లోకి ఎందుకు ఎంటర్ అయిందో తెలుపుతూ వీడియో పోస్ట్ చేసింది కంగనా.
15 ఏండ్ల బాలీవుడ్ కెరియర్‌లో చాలా మంది నుంచి ఒత్తిళ్లు వచ్చాయని తెలిపింది. తను సోషల్ మీడియాలో లేనని కొందరు అడ్వాంటేజ్ కూడా తీసుకున్నారని చెప్పింది. ఇంతకు ముందు అభిమానులకు దూరంగా ఉన్నానని ఎప్పుడూ అనుకోలేదని..తన సినిమాల ద్వారా ప్రతీ ఒక్క అభిమానికి దగ్గరగా ఉన్నాననే అభిప్రాయంతో సామాజిక మాధ్యమాలకు దూరంగా ఉన్నానని చెప్పుకొచ్చింది. కానీ, సుశాంత్ సింగ్ రాజ్ పుత్ కేసు విషయంలో చూసిన ఫలితంతో సోషల్ మీడియా పవర్ ఏంటో తెలిసిందని..ఐకమత్యంగా పోరాటం చేస్తే భవిష్యత్తులో దేశం కోసం కూడా పాటు పడొచ్చనే అభిప్రాయంతో ట్విట్టర్‌లో జాయిన్ అయినట్లు చెప్పింది.
https://twitter.com/KanganaTeam/status/1296638256344252417?s=19
ఈ విషయంపై ఆనందం వ్యక్తం చేసిన అభిమానులు..సోషల్ మీడియాలో తను ఉండడం వల్ల మరింత శక్తి ఉన్నట్లు ఉంటుందని చెబుతున్నారు. ఇక హేటర్స్ మాత్రం కంగనా ఎంత గొప్పది అంటే ఒకరి మరణాన్ని తన ఎదుగుదలకు వాడుకునేంత గొప్పది అని విమర్శిస్తున్నారు.
