RRR : గూస్‌బంప్స్ తెప్పిస్తోన్న కొమురం భీమ్ విశ్వరూపం
దిశ, సినిమా: యంగ్ టైగర్ ఎన్టీఆర్.. నటనకు నిలువెత్తు రూపం. అభినయమే కాదు ఆయన ఆట, పాట, డైలాగ్ డెలివరీ.. ప్రతీది సంచలనమే. ఇన్ని సంచలనాలకు కేరాఫ్ అడ్రస్ అయిన తారక రాముడి పుట్టినరోజు సందర్భంగా ‘ఆర్ఆర్ఆర్’ టీమ్ స్పెషల్ పోస్టర్ రిలీజ్ చేసింది. కొమురం భీమ్‌గా తారక్ ఇంటెన్స్ లుక్‌ రిలీజ్ చేసి, ఫ్యాన్స్‌కు బర్త్ డే ట్రీట్ ఇచ్చింది. చేతిలో ఆయుధం, కళ్లలో పొగరుతో ఎదుటి వాడి గుండెల్లో బెదురు తెప్పించేలా కనిపిస్తున్న ఆ రూపం అభిమానులకు కిక్ ఇస్తుండగా.. ఈ పిక్ షేర్ చేసిన జక్కన్న ‘నా భీమ్ బంగారు మనసు కలిగి ఉన్నోడు. కానీ తిరుగుబాటు చేస్తే బలంగా, ధైర్యంగా నిలుస్తాడు’ అని ట్వీట్ చేశాడు. కాగా ఇలాంటి ఇంటెన్స్ క్యారెక్టర్ ప్లే చేయడం ఆనందంగా ఉందన్న తారక్.. ఇప్పటి వరకు ఎదుర్కొన్న బిగ్గెస్ట్ చాలెంజెస్‌లో ఇది కూడా ఒకటని తెలిపాడు. ‘ఈ పాత్రను మీకు ఇంట్రడ్యూస్ చేయడం ఆనందంగా ఉంది’ అని చెప్పాడు.
https://twitter.com/ssrajamouli/status/1395237793308188672?s=20
