నిరుద్యోగులకు ఉద్యోగ అవకాశం :ఎంపీడీఓ

దిశ, మేడ్చల్ టౌన్ : నిరుద్యోగ యువతకు DDU-GKY పథకం కింద వివిధ శిక్షణ కార్యక్రమాలు నిర్వహిస్తున్నట్లు మేడ్చల్ ఎంపీడీవో శశిరేఖ తెలిపారు. శుక్రవారం మేడ్చల్ మండల పరిషత్ కార్యాలయంలో ఏర్పాటు చేసిన విలేకర్ల సమావేశంలో ఆమె మాట్లాడుతూ.. ఈ నెల 16వ తేదీన మండల పరిషత్ కార్యాలయంలో దీన్ దయాల్ ఉపాధ్యాయ-గంగా కళ్యాణ్ యోజన పథకం ఆధ్వర్యంలో ఉదయం 11గంటలకు నిరుద్యోగ యువతకు శిక్షణా కార్యక్రమాలు ఎంపిక నిర్వహిస్తారని తెలిపారు.

అభ్యర్థులు తమ వెంట అర్హత పత్రాలు, ఆధార్ కార్డ్, పాస్‌పోర్ట్ సైజ్ ఫోటోలు తీసుకొనిరావాలని తెలిపారు. మేడ్చల్ మండలంలోని నిరుద్యోగ యువత ఈ అవకాశాన్ని వినియోగించుకోవాలని ఆమె కోరారు. ఈ కార్యక్రమంలో ఎంపీఓ వినూత్న తదితరులు పాల్గొన్నారు.