IPL 2023: మరి కొన్ని గంటల్లో రాజస్థాన్ రాయల్స్ vs పంజాబ్ కింగ్స్ ఢీ..
దిశ, వెబ్‌డెస్క్: IPL 2023లో బుధవారం ఎనిమిదో మ్యాచ్ జరుగుతోంది. రాజస్థాన్ రాయల్స్, పంజాబ్ కింగ్స్ తలపడుతున్నాయి. ఇరు జట్లు చెరో మ్యాచ్ గెలిచి మంచి ఊపు మీద ఉన్నాయి. గువాహటీ ఇందుకు వేదిక సాయంత్రం 7:30 మ్యాచ్ మొదలవుతుంది. తొలి విజయాలు అందుకున్న రెండు జట్లు రెండో గెలుపు కోసం ఉవ్విళ్లూరుతున్నాయి. సంజూ కెప్టెన్సీలో రాజస్తాన్ రాయల్స్ అన్ని విభాగాల్లో బలంగా కనిపిస్తోంది. మరో వైపు శిఖర్ సారథ్యంలోని పంజాబ్ టీమ్ రెండో విజయాన్ని తన ఖాతాలో వేసుకోవాలని చూస్తొంది.
సీజన్‌ ఆరంభ మ్యాచులో రాజస్థాన్ రాయల్స్ దుమ్మురేపింది. సన్‌రైజర్స్‌ మ్యాచులో 200+ స్కోరు చేసింది. ఓపెనర్లు జోస్ బట్లర్, యశస్వీ జైశ్వాల్‌ టోర్నీకే ఊపు తెచ్చారు. కెప్టెన్ సంజూ శాంసన్ క్లాస్‌ ప్లస్‌ మాస్‌ బ్యాటింగ్‌తో అలరించాడు. గబ్బర్‌ నాయకత్వంలోని పంజాబ్ కింగ్స్ తొలి మ్యాచులో అదుర్స్‌ అనిపించింది. కోల్‌కతాపై మెరుపు బ్యాటింగ్‌తో దాడి చేసింది. ఓపెనర్లు ప్రభుసిమ్రన్‌, శిఖర్ ధావన్ దంచికొట్టారు.
సంజూ సేనదే పైచేయి..
పంజాబ్ కింగ్స్‌పై రాజస్థాన్ రాయల్స్‌దే డామినేషన్‌! చివరి ఐదు మ్యాచుల్లో సంజూ సేన నాలుగు గెలిచింది. మూడు సార్లు బంతులు మిగిలుండగానే ఛేదించేసింది. పంజాబ్ ఒక్కసారే గెలిచింది. ఐపీఎల్‌ చరిత్రలో ఈ రెండు జట్లు ఇప్పటి వరకు 24 సార్లు తలపడ్డాయి. రాజస్థాన్ 14-9తో కింగ్స్‌పై ఆధిపత్యం చెలాయిస్తోంది.
పంజాబ్ కింగ్స్ తుది జట్టు (అంచనా)
శిఖర్ ధావన్ (కెప్టెన్), ప్రభ్‌సిమ్రాన్ సింగ్ (వికెట్ కీపర్), భానుకా రాజపక్స, జితేష్ శర్మ, షారుక్ ఖాన్, సామ్ కర్రాన్, సికందర్ రజా, నాథన్ ఎల్లిస్, హర్‌ప్రీత్ బ్రార్, రాహుల్ చాహర్, అర్ష్‌దీప్ సింగ్
రాజస్థాన్ రాయల్స్ తుది జట్టు (అంచనా)
యశస్వి జైస్వాల్, జోస్ బట్లర్, సంజు శాంసన్(కెప్టెన్, వికెట్ కీపర్), దేవదత్ పడిక్కల్, షిమ్రాన్ హెట్మెయర్, రియాన్ పరాగ్, జాసన్ హోల్డర్, రవిచంద్రన్ అశ్విన్, ట్రెంట్ బౌల్ట్, KM ఆసిఫ్, యుజ్వేంద్ర చాహల్
