బహ్రెయిన్ నాయకత్వాన్ని అభినందించిన భారత ఉప రాష్ట్రపతి

దిశ, వెబ్‌డెస్క్ : బహ్రెయిన్ : అధికారిక పర్యటనలో భాగంగా భారత్ చేరుకున్న బహ్రెయిన్ విదేశాంగ మంత్రి డాక్టర్ అబ్దుల్ లతీఫ్ బిన్ రషీద్ అల్ జయానీకి భారత ఉపరాష్ట్రపతి వెంకయ్యనాయుడు ఘన స్వాగతం పలికారు. బహ్రెయిన్ విదేశాంగ మంత్రి డాక్టర్ లతీఫ్ బిన్ రషీద్ అల్ జయానీ ఈ సందర్భంగా భారత ఉప రాష్ట్రపతితో పలు అంశాలపై చర్చలు జరిపారు.

భారత ఉప రాష్ట్రపతి, బహ్రెయిన్ నాయకత్వం కరోనా పాండమిక్ సమయంలో అక్కడి భారత ప్రజలకు అందించిన సహాయ సహకారాల్ని కొనియాడారు. భారత్ – బహ్రెయిన్ మధ్య సన్నిహిత సంబంధాలు మరింత మెరుగు పరచడం ద్వారా ఇరు దేశాల అభివృద్ధి మరింత వేగంగా జరుగుతుందనీ, పరస్పరం సహకరించుకోవడం ద్వారా ఇది సాధ్యమవుతుందని ఇరువు నాయకులు అభిప్రాయపడ్డారు.