పట్టు బిగిస్తున్న కివీస్

భారత్‌తో జరుగుతున్న మొదటి టెస్ట్‌లో న్యూజిలాండ్ మ్యాచ్‌పై పట్టుబిగిస్తోంది. రెండో రోజు టీ విరామానికి రెండు వికెట్ల నష్టానికి 116 పరుగులు చేసింది. కివీస్ ఓపెనర్లను ఇషాంత్(2/17) ఔట్ చేయగా, మిగతా బౌలర్లు ఆకట్టుకోలేకపోయారు. క్రీజ్‌లో రాస్ టేలర్ (22), విలియమ్సన్(46) ఉన్నారు. అంతకుముందు ఓవర్ నైట్ స్కోర్ 122/5తో రెండో రోజు బ్యాటింగ్‌కు దిగిన భారత్ 165 పరుగులకే చాపచుట్టేసింది. అజింక్యా రహానే(46), అగర్వాల్(34) పర్వాలేదనిపించారు. ఇక కివీస్ బౌలర్లు సౌథీ, జెమీసన్ తలో నాలుగు వికెట్లతో చెలరేగిపోయారు.