Team India: టీమిండియా కొత్త జెర్సీలో కెప్టెన్ రోహిత్ శర్మ.. సోషల్ మీడియాలో వీడియోలు వైరల్
దిశ, వెబ్‌డెస్క్: అమెరికా, వెస్టిండీస్ సంయుక్తంగా హోస్ట్ చేస్తున్న టీ20 ప్రపంచ కప్ జూన్ 1 నుంచి ప్రారంభం కాబోతోంది. పొట్టి ఓవర్ల సమరానికి కేవలం 18 రోజుల సమయం మాత్రమే ఉంది. ఇప్పటికే దాదాపుగా అన్ని జట్లు 15 మందితో కూడిన స్క్వాడ్‌ను ప్రకటించాయి. అదేవిధంగా అన్ని జట్లతో పాటు బీసీసీఐ కూడా ఏప్రిల్ 30న తుది జట్టును ప్రకటించింది. రోహిత్ శర్మ కెప్టెన్‌గా 15 మంది సభ్యులతో కూడిన జట్టును ఎంపిక చేసింది. ఈ నేపథ్యంలోనే టీ20 వరల్డ్ కప్ సందర్భంగా ఆటగాళ్లు కొత్త జెర్సీల్లో కనబడనున్నారు. ఈ మేరకు టీం సరికొత్త జెర్సీని బీసీసీఐ కార్యదర్శి జైషా, కెప్టెన్ రోహిత్ శర్మ ఇవాళ అధికారికంగా విడుదల చేశారు. ప్రస్తుతం రోహిత్ ధరించిన కొత్త జెర్సీ వీడియో సోషల్ మీడియాలో పోస్ట్ చేయగా అది కాస్త విపరీతంగా వైరల్ అవుతోంది. భుజాలు, చేతులపై కాషాయ రంగు, వాటిపై తెల్లని చారలు, మిగతా అంతా బ్లూ కలర్‌లో జెర్సీ లుక్ అదిరింది. అయితే, అచ్చం ఇలాంటి ప్యాట్రన్ కలిగిన జెర్సీని టీమిండియా ఆటగాళ్లు 2019 వరల్డ్ కప్ సమయంలోనూ ధరించారు.
