డ్రోన్‌తో హైపోక్లోరైట్ స్ప్రే

దిశ, వరంగల్: ప్రపంచాన్ని వణికిస్తున్న కరోనా వైరస్ నివారణకు నర్సంపేట శాసనసభ్యులు పెద్ది సుదర్శన్ రెడ్డి వినూత్న కార్యక్రమానికి శ్రీ కారం చుట్టారు. నియోజకవర్గంలో రెండు డ్రోన్స్ సాయంతో సోడియం హైపో క్లోరైడ్ రసాయనాన్ని చల్లిస్తున్నాడు. ఈ కార్యక్రమం కోసం తన రెండు నెలల వేతనాన్ని కూడా వెచ్చించాడు. నర్సంపేట మున్సిపాలిటీ అంతటా ఇది చల్లించేలా ఏర్పాటు చేశారు. కేవలం డ్రోన్స్ ద్వారానే కాకుండా ఫైర్ ఇంజన్స్, బూమ్ స్ప్రేయర్స్ లాంటి యంత్రాలతోనూ ఈ రసాయనాన్ని చల్లిస్తున్నారు. ఎమ్మెల్యే స్వయంగా దగ్గరుండి పనులను పర్యవేక్షిస్తున్నారు.

tags;narsampet mla,peddi sudarshan reddy,spray,hypochlorite