ఆ ఆఫర్‌ను తిరస్కరించా
దిశ, వెబ్‌డెస్క్: బాలీవుడ్ హీరో సుశాంత్ సింగ్ రాజ్‌పుత్ సూసైడ్ తర్వాత నెపోటిజంపై బాలీవుడ్ ప్రముఖులపై హీరోయిన్ కంగనా రనౌత్ చేసిన వ్యాఖ్యలు కలకలం రేపిన సంగతి తెలిసిందే. ఇదేక్రమంలో కొంతకాలంగా ఆమె వ్యాఖ్యలపై దేశవ్యాప్తంగా తీవ్ర చర్చ కూడా నడుస్తోంది. రాజకీయాల్లోకి వెళ్లేందుకే కంగనా ఇలాంటి వ్యాఖ్యలు చేస్తుందని, అందుకే ప్రధాని మోడీకి మద్దతు ఇచ్చేలా వ్యవహరిస్తున్నారని ఆరోపణలు వస్తున్న నేపథ్యంలో ఫైర్ బ్రాండ్ కంగనా లేటెస్ట్‌గా స్పందించింది.
బ్లాక్ బాస్టర్ మూవీ ‘మణికర్ణిక’ తర్వాత తనకు పాలిటిక్స్‌లో ఆఫర్‌ వచ్చిందని చెప్పుకొచ్చింది. బీజేపీ నుంచి తనకు పిలుపు వచ్చినా వెళ్లలేదని స్పష్టం చేసింది. తనకు రాజకీయాలపై ఎలాంటి ఆసక్తి లేనందున బీజేపీ ఆఫర్‌ను తిరస్కరించానని, పాలిటిక్స్‌లోకి ఎంట్రీ ఇచ్చే యోచన లేదని తెలిపింది. తన దృష్టంతా మూవీస్‌పైనే ఉందని కామెంట్స్ చేసింది.
